BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

شىعىس قازاقستاندا بۇقتىرما سۋ قويماسىندا بالىق قىرىلىپ جاتىر

فوتو: Gismeteo

بۇقتىرما سۋ قويماسىندا موڭكە بالىق (كاراس) ٴولىپ جاتىر. ٴبىراق ادامدارعا ازىرگە ەشقانداي ٴقاۋىپ جوق دەپ حابارلايدى baq.kz اقپارات اگەنتتىگى جەرگىلىكتى ورمان شارۋاشىلىعى ينسپەكسياسىنا سىلتەمە جاساپ.

دەمالۋشىلار قىرىلىپ جاتقان بالىقتاردى جاعالاۋدان تاۋىپ الىپ جاتىر. اسىرەسە كوكپەكتى جانە كۇرشىم اۋداندارىندا كوپ كورىنەدى. ٴبىراق شقو ورمان شارۋاشىلىعى جانە جانۋارلار الەمىنىڭ اۋماقتىق ينسپەكسياسى وسى جاعدايعا قاتىستى پىكىر ٴبىلدىردى.

«بالىق بولعان سوڭ، ۋىلدىرىق شاشقاننان كەيىن اۋىرادى. ٴبىر جاعىنان كۇننىڭ ىستىعى بار. وعان قوسا بۇقتىرمادا موڭكە بالىق كۇرت كوبەيىپ كەتكەن ەدى. وسى سەبەپتەرگە بايلانىستى كوكسيديوز تۋىنداپ وتىر. سول جەردە كوميسسيا جۇمىس ىستەدى. بالىق ولەكسەلەرىن جيناپ، زەرتحاناعا وتكىزەمىز. ارى قارايعى ٴىستىڭ بارىسىن كورەمىز. بالكىم، گيدارتتالعان اكپەن جاعالاۋلاردى «الاستاپ»، الدىن الۋ شارالارىن جۇرگىزەتىن شىعارمىز. ازىرگە ادام دەنساۋلىعىنا زياندى ەشتەڭە جوق، سوندىقتان سۋدى كارانتينگە جابۋدىڭ دا كەرەگى جوق»، – دەدى بالىق شارۋاشىلىعىنىڭ باسشىسى تالعات راحىمجانوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي