BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

شىعىس قازاقستاندا بالىق اۋلاۋعا شىققان ادام سۋعا كەتتى

فوتو: altaynews.kz

استانا، baq.kz. جۇقا مۇز ويىلىپ ٴتۇسىپ، بالىقشى سۋعا كەتتى. بۇل تۋرالى altaynews.kz سايتى حابارلايدى.

بۇل گلۋبوكوە اۋدانىندا بولعان. ۆەرحبەرەزوۆكا اۋىلىنىڭ 71 جاستاعى تۇرعىنى ۆودوحلەبكا وزەنىنەن بالىق اۋلاۋعا بارعان. جۇقا مۇز ادام سالماعىن كوتەرە الماي ويىلعان. بالىقشى سۋعا ٴتۇسىپ كەتكەن. جاعالاۋدان 10 مەتر قاشىق وزەننىڭ ورتاسى ەكەن.

«مۇز قالىڭداعان جوق. سوندىقتان سۋعا باتقان ادامنىڭ دەنەسىن الىپ شىعۋدا ٴبىراز قيىندىقتار تۋىندادى. ٴۇشيىندى ساتىنىڭ كومەگىمەن ادام دەنەسىن الىپ شىقتىق»، - دەدى قۇتقارۋشى رۋسلان باياۋبايەۆ.

وبلىستىق توتەنشە جاعداي دەپارتاممەنتى باسشىلىعى حالىقتى مۇز ۇستىنە بالىق اۋلاۋعا شىقپاۋعا شاقىرۋدا. قازىرگى ۋاقىتتا مۇزدىڭ قالىڭدىعى 3-5 سانتيمەتر عانا. ال ول ادامدى كوتەرىپ تۇرا الۋى ٴۇشىن جوق دەگەندە 10 سانتيمەتر بولۋى كەرەك.

مۇزدىڭ مىقتىلىعىن سىرتىنان قاراپ بىلۋگە دە بولادى. ەگەر ونىڭ ٴتۇسى ٴموپ-مولدىر كوك جانە جاسىلداۋ رەڭكتە بولسا، وندا مىقتى، بەكەم دەگەن ٴسوز. ال مۇز اقشىلداۋ نەمەسە سۇرعىلت بولسا، ٴالسىز دەپ بىلگەيسىز. قۇتقارۋشىلار سولاي دەيدى.

سونداي-اق، قۇتقارۋشىلار مۇز استىندا ادام 10-15 مينۋتتان ارتىق شىداي المايتىندىعىن ايتادى. ەگەر مۇنداي جاعدايعا تاپ بولساڭىز، قولىڭىزدى بارىنشا كوككە سەرمەپ، مۇز شەتىنەن ۇستاۋعا تىرىسىڭىز. مۇمكىندىك بولسا، ٴشوپ قالىڭ بەتكە قاراي قيمىلداڭىز، سوندا اعىن سۋ الىپ كەتپەيدى. سوسىن مۇزدىڭ ەرنەۋىن بۇزىپ الماي، باياۋ عانا قيمىلداپ جوعارى تارتىلىپ، اياعىڭىزدى مۇز ۇستىنە ارتىڭىز. سوسىن كەلگەن جاعىڭىزعا قاراي جەر باۋىرلاپ جىلجىڭىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي