BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

سەمەيلىك جولاۋشىنىڭ اۆتوبۋستا 1،5 ملن تەڭگە اقشاسى جانىپ كەتتى

فوتو: altaynews.kz

سەمەي قالاسىنىڭ تۇرعىنى ەرجان امارحانوۆ «سەمەي-نوۆوسىبىر»باعىتىنداعى قىزىل جالىنعا ورانعان اۆتوبۋستان 48 ادامدى قۇتقارىپ قالدى. وقيعا وتكەن جەكسەنبىدە، ياعني تامىزدىڭ 4-نەن 5-ىنە قاراعان ٴتۇنى التاي وڭىرىندە ورىن العان، دەپ حابارلايدى baq.kz اقپارات اگەنتتىگى altaynews.kz سايتىنا سىلتەمە جاساپ.

بۇل تۋرالى رەسەيدىڭ كوپتەگەن ٴباسپاسوز باسىلىمدارى جارىسا جازۋدا.

الايدا ٴبىر وكىنىشتىسى ەرجان ادامداردى قۇتقارامىن دەپ ەسى شىعىپ جۇگىرىپ جۇرگەندە، ورتەنىپ جاتقان اۆتوبۋستىڭ ىشىندە اۆتوكولىك ساتىپ الاماقشى بولعان 1،5 ملن تەڭگەسى مەن قۇجاتتارى تۇگى قالماي جانىپ كەتكەن ەكەن. ال قازىرگى تاڭدا جەرلەسىمىز رەسەيدە بىردە-بىر قۇجاتسىز ٴجۇر.

«مەن وتىرعان ورىندىقتىڭ قاتتى قىزىپ كەتكەنىن سەزىپ، بىردەن ويانىپ كەتتىم. اينالاما قاراسام، بارلىق جەردى كوك ٴتۇتىن باسىپ ۇلگەرگەن. بىرەۋلەر ۇيىقتاپ جاتسا، ەندى بىرەۋلەر ەس-تۇسسىز جاتقان ەدى سول كەزدە. جۇرگىزۋشىگە «تەزدەتىپ ەسىكتى اش، ورتەنىپ جاتىرمىز!» دەپ بار داۋىسىممەن ايقايلادىم. سودان سوڭ ەسەڭگىرەپ ويانا الماي جاتقانداردى تەۋىپ، ۇرا باستادىم. بار ماقساتىم ولاردى قايتسەم دە سىرتقا الىپ شىعۋ ەدى…. ەندى تەك قاراجاتىمدى قايتارىپ السام دەيمىن. شىنىمدى ايتسام، ودان باسقا ەشتەڭە سۇراپ تا تۇرعانىم جوق»، - دەيدى ەرجان.

مىنا ۆيدەودان-اق بايقاۋعا بولادى، ٴتىلسىز جاۋ جولاۋشىلار كولىگىنىڭ توبەسىنە دەيىن شارپىعان. ابىروي بولعاندا، قۇرباندار مەن جاراقات الىپ، كۇيىك شالعاندار جوق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي