BAQ.kz - Қазақстан жаңалықтары USD 370.49 BAQ.kz - Қазақстан жаңалықтары EUR 421.06 BAQ.kz - Қазақстан жаңалықтары RUB 5.54
استانا:

رەسەيلىك دارىگەرلەر جول اپاتىنا ۇشىراعان موڭعوليالىق قازاقتاردىڭ جاعدايى تۋرالى ايتتى

فوتو: Скриншот

جول اپاتىنان زارداپ شەككەن ازاماتتاردىڭ دەنساۋلىعىن ماماندار ورتاشا اۋىر دەڭگەيدە دەپ باعالاپ وتىر. بۇل جونىندە baq.kz ٴتىلشىسى رەسەي اپات مەديسيناسى ورتالىعىنىڭ ماماندارىنا سىلتەمە جاساپ حابارلايدى.

كەشە رەسەيدىڭ تاۋلى التاي ولكەسىندە موڭعوليانىڭ 15 ازاماتى مىنگەن شاعىن اۆتوبۋس اپاتقا ۇشىراعانىن حابارلاعان بولاتىنبىز. جول اپاتى بەيسەنبىدەن جۇماعا قاراعان ٴتۇنى «چيكە-تامان» اسۋىنان تۇسەر جەردە، ر- ر-256 «چۋيسكيي تراكت» تاس جولىنىڭ 659-شى شاقىرىمىندا ورىن العان.

اپات مەديسيناسى ورتالىعىنىڭ ماماندارى بۇقارالىق اقپارات قۇرالدارىنا بەرگەن سۇحباتىندا زارداپ شەككەن 12 ازامات ەكى ساعاتتىڭ ىشىندە ونگۋداي اۋداندىق اۋرۋحاناسىنان تاۋلى التايعا تىكۇشاقپەن جەتكىزىلەتىن مالىمدەدى.

«جول اپاتىنان كەيىن ونگۋداي اۋداندىق اۋرۋحاناسىنا 12 ادام جەتكىزىلدى. دارىگەرلەر ولاردىڭ جاعدايىن ورتاشا دەڭگەيدە اۋىر دەپ باعالاپ وتىر. اسا اۋىر جاعدايداعى زارداپ شەككەندەر جوق»، - دەپ مالىمدەدى اپات مەديسيناسى ورتالىعىنىڭ ديسپەتچەرى.

كەيىننەن بەلگىلى بولعانداي، ەكى ناۋقاس جۇما كۇنى كۇندىز اۋرۋحانادان شىعارىلدى.

«قازىرگى ۋاقىتتا ونگۋداي اۋرۋحاناسىندا ون ناۋقاس جاتىر. ولاردىڭ ىشىندە، جاراقاتى جەڭىل بەس ازامات اۋداندىق اۋرۋحانا ماماندارىنىڭ باقىلاۋىندا بولادى. ال قالعان بەس ناۋقاس جەدەل جاردەم كولىگىمەن تاۋلى التايعا جەتكىزىلسە، تاعى ۇشەۋى سانيتارلىق اۆياسيا تىكۇشاعىمەن ەۆاكۋاسيالانادى. ەكى ازامات اۋرۋحانادان شىعارىلدى»، - دەيدى رەسپۋبليكالىق اپاتتى مەديسينا ورتالىعىنىڭ باسشىسى سەرگەي زەمسوۆ.

ونى ايتۋىنشا، زارداپ شەككەندەردىڭ جاعدايىن شارتتى تۇردە اۋىر دەپ باعالاۋعا بولادى.

«ماعان ۇسىنىلعان قۇجاتتار بويىنشا، ەكى ناۋقاستىڭ جاعدايىن شارتتى اۋىر دەپ باعالار ەدىم. ونىڭ بىرەۋىنىڭ جامباس سۇيەگى سىنعان، ەكىنشىسىنىڭ ومىرتقا جوتاسىنىڭ قىسپا سىنۋى انىقتالىپ وتىر. بۇل جاراقاتتار ولاردىڭ ومىرىنە ٴقاۋىپ ٴتوندىرىپ تۇرعان جوق»، - دەيدى مامان.

ەسكە سالا كەتسەك، التاي رەسپۋبليكاسىندا موڭعوليا ازاماتتارى مىنگەن تاعى ٴبىر جول-كولىك وقيعاسى ورىن الدى. جول اپاتى كاتۋن – كراسنىي يار – التاي – التاي رەسپۋبليكاسىنىڭ شەكاراسى اۆتوجولىنىڭ 56 شاقىرىمىندا التاي اۋدانىندا ورىن الدى. الدىن الا مالىمەت بويىنشا، 17 جولاۋشى مىنگەن شاعىن اۆتوبۋس قوزعالىستىڭ قارسى جولاعىنا شىعىپ كەتىپ، گاز-3110 جەڭىل اۆتوكولىگىمەن سوقتىعىسقان. بۇعان دەيىن ٴوڭىردىڭ شۇعىل قىزمەتتەر وكىلى توعىز ادام اۋرۋحاناعا جاتقىزىلعانىن حابارلاعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي