USD 334.31 EUR 355.17 RUB 5.31
استانا:

پروكۋرور ٴۇش اعايىندىنى ولتىرگەن كۇدىكتىلەردى ٴومىر بويىنا باس بوستاندىعىنان ايىرۋدى سۇرادى

ۇزىنعاشاتىڭ مال بازارىنا بارعان ٴۇش اعايىندىنى الداپ اپارىپ، اتىپ ولتىرگەن قىلمىسكەرلەرگە پروكۋرور ٴومىرىنىڭ سوڭىنا دەيىن باس بوستاندىعىنان ايىرۋ جازاسىن سۇرادى. ال، سوتتا سوڭعى ٴسوز بەرىلگەن قاسكويلەر سۋديادان وزدەرىنە اياۋشىلىق تانىتۋدى ٴوتىندى. ٴجارىسسوز بارىسىندا تەرگەۋ ىسىنە قاناعاتتانباعان زارداپ شەگۋشىلەر سۇلەيمانوۆ پەن وڭالبايەۆقا تەك اتۋ جازاسى قولدانىلسا عانا كوپتىڭ كوڭىلى ٴجاي تابادى دەپ وتىر.

ەكى اپتاعا سوزىلعان سوت پروسەستەرىنىڭ وتىرىسىندا جارىسسوزگە كەزەك بەرىلدى. اشۋ-ىزا، قايعى، كەك، وكىنىشكە تولى سوزدەردىڭ ايتىلۋىمەن ٴوتىپ جاتقان سوتتىڭ سوڭعى ساتىنە جەتپەي سۋديا قاتارىنان ەكى قاۋلى قابىلدادى. جابىرلەنۋشى تاراپتىڭ وكىلدەرى اسىراۋشىسىنان ايىرىلعان ٴۇش وتباسىنا 50 ميلليون تەڭگە ماتەريالدىق شىعىن ٴوندىرتۋدى جانە ۇيدە زاڭسىز مىلتىقتىڭ ساقتالۋىن ورگاندارعا حابارلاماعان سۇلەيمانوۆتىڭ ايەلىندە جاۋاپقا تارتۋدى تالاپ ەتكەن ەدى. ٴبىراق سۋديا ەكى تالاپتى دا قاناعاتتاندىرماي، ارنايى ۇكىم شىعاردى.

«بۇل ٴىستىڭ تەرگەلۋىنە مەن ٴوز باسىم جانە مىنا كوپ حالىقتا سەنبەيدى. بۇل ەكەۋىن اتۋدى سۇرايمىن. ٴادىل زاڭدى قۇرمەتتەيمىز، بولماسا بۇل ەكى سۇمىرايدى ٴوزىمىز-اق جازالار ەدىك»، - دەدى جابىرلەنۋشى تۇرسىن ٴامىرباي ۇلى.

وقيعانىڭ اق-قاراسى ٴبىر جارىم ايدا تەرگەلىپ، ەكى اپتا سوتتا قارالعان ىستە جابىرلەنۋشىلەر وزگەدە ادامداردىڭ قىلمىسقا قاتىسى بارىن ۇنەمى ايتىپ كەلگەن ەدى. مىلتىقتىڭ يەسى، بۇرىن ۇزىناعاشتىڭ ىىب-دە باسشىلىق قىزمەت اتقارعان، قازىرگى زەينەتكەر جاڭاي سۇلەيمەنوۆتىڭ ۇستىنەن دە جەكە ٴىس قوزعالعانى ايتىلدى.

«اتۋ جازاسىن قولدانۋدى سۇرايمىن. بۇنداي ارەكەتكە تەك قانا اتۋ جازاسى دەپ ويلايمىن»، - دەدى جابىرلەنۋشىلەردىڭ ادۆوكاتى مۇحتاريما كاربانوۆا.

قاراقشىلىق شابۋىل جاساۋ، الدىن الا ٴسوز بايلاسۋ ارقىلى ادام ٴولتىرۋ، قارۋدى زاڭسىز ساقتاۋ سىندى قىلمىستىق كودەكستىڭ ونشاقتى بابى بويىنشا ايىپ تاعىلعان قىلمىسكەرلەرگە تەك ٴمايىتتى قورلادى دەگەن كىنا دالەلىن تاپپادى. ٴبىراق مەملەكەتتىك ايىپتاۋشى بۇعان قاراماستان ەكى كۇدىكتىگە قولدانىستاعى اۋىر جازالاردى سۇرادى.

«سۇلەيمانوۆتى ٴومىر باقي جازاعا تارتۋدى، مۇلكىن تالكىلەپ، جازاسىن قاتاڭ تارتىپتە وتەۋىن سۇرايمىن. ال، وڭالبايەۆقا قىلمىستىق كودەكستىڭ 99 بابى، ٴ2-بولىمىنىڭ 1،7،8 تارماقتارىمەن 15 جىلعا، 192 بابتىڭ 4 تارماعىمەن قىلمىستىق جولمەن ستاىپ الىنعان زاتتاردى مەملەكەت مۇلكىنە تالكىلەپ، 11 جىل 3 ايعا، 200 باتىڭ 2-بولىگى، 1،2 تارماقتارىمەن 2 جىل 6 ايعا، تاعايىندالعان جازالاردى ٴىشىنارا قوسۋ جولىمەن 24 جىلعا باس بوستاندىعىنا ايىرىپ، جازاسىن قاتاڭ تارتىپتە وتەۋدى سۇرايمىن»، - دەدى مەملەكەتتىك ايىپتاۋشى ارىستانبەك الىكەنوۆ.

پروكۋرور سوتتا ٴۇشىنشى كۇدىكتى رەتىندە جاۋاپقا تارتىلعان باقىت بايقاسىموۆتى وقيعانى جاسىرعانى ٴۇشىن 4 جىلعا جالپى رەجيمدەگى تۇزەتۋ مەكەمەسىندە جازاسىن وتەۋدى سۇرادى. سوتتا سوڭعى ٴسوز العان ايىپتالۋشىلار سۋديادان اياۋشىلىق تانىتۋدى ٴوتىندى. ەلىمىزدىڭ ىشكى جانە سىرتتاعى قازاقتاردىڭ اراسىندا الاڭداۋشىلىق تۋدىرعان قاندى وقيعاعا قاتىستى ۇكىم بۇگىن شىعادى. ال، قاپىدا قايتىس بولعان ۇلدارىنىڭ قازاسىن كوتەرە الماعان جىگىتتەردىڭ انالارى ٴقازىر ٴحال ۇستىندە جاتىر.

الماتى ارناسى

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي