BAQ.kz - Қазақстан жаңалықтары USD 359 BAQ.kz - Қазақстан жаңалықтары EUR 420.1 BAQ.kz - Қазақстан жаңалықтары RUB 5.41
استانا:

پوليسيا قىزمەتكەرلەرىنە قارسىلىق تانىتقان ەر ادام باس بوستاندىعىنان ايىرىلدى

فوتو: patrul.kz

الماتى وبلىسىندا پوليسيا قىزمەتكەرلەرىنە كۇش قولدانعان ەر ادام 1،5 جىلعا باس بوستاندىعىنان ايىرىلدى، دەپ حابارلايدى baq.kz اقپارات اگەنتتىگى patrul.kz سايتىنا سىلتەمە جاساپ.

وقيعا 2017 جىلدىڭ كۇزىندە كەربۇلاق اۋدانىنداعى باسشى كەنتىندە ورىن الدى. ٴتارتىپ ساقشىلارى پروفيلاكتيكالىق جۇمىستار بارىسىندا toyota اۆتوكولىگىن تەكسەرمەكشى بولعان. پوليسيا قىزمەتكەرلەرى كولىكتى توقتاتقانىنا قاراماستان، جۇرگىزۋشى ولاردان جاسىرىنعىسى كەلگەن.

«قاشىپ كەتپەكشى بولعان جۇرگىزۋشى پاترۋلدىك ماشينامەن سوقتىعىسقان. اۆتوكولىك تىزگىنىندە 38 جاستاعى استانا تۇرعىنى ماس كۇيىندە وتىرعان. ۇستالعان كۇدىكتى سول جەردە پوليسيا قىزمەتكەرلەرىنە شابۋىل جاساپ، فيزيكالىق قارسىلىق كورسەتكەن»، - دەپ ٴتۇسىندىردى الماتى ٴىىد-نىڭ ٴباسپاسوز قىزمەتى.

ايىپتالۋشى، قازاقستان رەسپۋبليكاسى قىلمىستىق كودەكسىنىڭ 380-بابىنىڭ ٴ1-بولىمى بيلىكتىڭ وكىلىنە قارسى زورلىق-زومبىلىق قولدانۋ فاكتىسى بويىنشا كىنالى دەپ تانىلدى. كەربۇلاق اۋداندىق سوتىنىڭ شەشىمىمەن، ەر ادام جالپى رەجيمدەگى كولونيادا 1 جىل 6 ايعا باس بوستاندىعىنان ايىرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي