BAQ.kz - Қазақстан жаңалықтары USD 369.36 BAQ.kz - Қазақстан жаңалықтары EUR 431.3 BAQ.kz - Қазақстан жаңалықтары RUB 5.45
استانا:

پەتروپاۆلدا جوعالعان قىز تابىلدى

سولتۇستىك قازاقستان وبلىسىنىڭ پوليسەيلەرى ۇيىنەن شىعىپ كەتىپ، ٴىز-تۇسسىز جوعالعان 17 جاستاعى ستۋدەنتتى تاپتى، دەپ حابارلايدى «baq.kz» ايماقتاعى ٴتىلشىسى.

سولتۇستىك قازاقستان وبلىسى ەسىل اۋداندىق پوليسيا بولىمىنە 17 جاستاعى مارينا حرۋستالەۆانىڭ اعاسى قارىنداسىنىڭ جوعالىپ كەتكەندىگى جايىندا ارىزدانعان. بويجەتكەن سەيسەنبى، ياعني قىركۇيەكتىڭ ٴ11-ى كۇنى اتالعان اۋدانداعى كورنەەۆكا اۋىلىندا تۇراتىن قۇربىسىنا باراتىنىن ايتىپ، ۇيىنەن شىعىپ كەتكەن. ارادا بىرنەشە كۇن وتسە دە، ۇيىنە ورالماعان سوڭ، اعاسىنىڭ ارىزى بويىنشا ٴتارتىپ ساشقىلارى ستۋدەنتتى ىزدەۋگە كىرىستى. ىزدەستىرۋ بارىسىندا مارينا حرۋستالەۆانىڭ پەتروپاۆل قالاسىندا تۇراتىن تانىسىنىڭ ۇيىندە ەكەندىگى انىقتالعان.

«جاسوسپىرىمدەر مىنەز-قۇلقىنىڭ ەرەكشەلىگىنە بايلانىستى اتا-اناسى، جاقىن تۋىستارىمەن ٴجيى جانجالداسادى. مۇنداي جاعدايدا ۇيىنەن قاشىپ كەتەتىندەر دە بولادى. جۋىردا ايىرتاۋ اۋدانىندا دا وسىنداي جاعداي بولىپ، 14 جاستاعى وقۋشى قىز ۇيىنە قايتارىلعان ەدى. مارينا حرۋستالەۆانى دا جۋىق ارادا اتا-اناسىنىڭ قولىنا تابىستايمىز»، - دەدى سقو ٴىىد قىلمىستىق پوليسيا باسقارماسىنىڭ باستىعى پەتر كليموۆ.

جىل باسىنان بەرى سقو پوليسەيلەرى ۇلكەندەرگە ەسكەرتپەي كەتىپ قالىپ، اتا-اناسىن ابىگەرگە سالعان 20 ٴجاسوسپىرىمى ۇيىنە قايتاردا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي