BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

پەتروپاۆلدا كوشە بۇزاقىلارى مەملەكەتتى شىعىنعا باتىرۋدا

فوتو: Автор

پەتروپاۆل، baq.kz ٴتىلشىسى. كوشەدەگى قوعامدىق كولىك ايالداماسىن قيراتقان پەتروپاۆل قالاسىنىڭ 44 جاستاعى تۇرعىنىنا 12 مىڭ تەڭگە ايىپپۇل سالىندى. جىل باسىنان قىزىلجاردا 30-دان استام ايالداما، كوشە شامدارى جانە جارنامالىق قالقانداردى سىندىرۋ فاكتىسى تىركەلگەن.

كوممۋنالدىق قىزمەت وكىلدەرى شاھاردى كورىكتەندىرىپ الەك بولسا، قالانىڭ كەيبىر تۇرعىندارى باردى جوق قىلىپ، قيراتىپ الەك. كوپشىلىك مۇنداي ارەكەتتى سيپاتاۋدىڭ وزىنە قينالدى.

«ٴوزىمىزدىڭ تۇرعان جەرىمىزدىڭ ادەمى، تازا بولعانى جاقسى ارينە. وعان مەملەكەت تاراپىنان قانشاما قارجى جۇمسالىپ جاتىر. تايلاي رەت قابىرعاسى بۇزىلىپ، شاشىلىپ جاتقان ايالدامالاردى كوردىم. بۇنى ادامنىڭ ىشكى مادەنيەتىنىڭ تومەندىگى دەپ باعالايمىن. ودان باسقا ايتار ٴسوز جوق. كەيبىر ادامداردىڭ وزدەرى تۇرىپ جاتقان قوعامعا وسىنداي زيان كەلتىرۋىنىڭ سەبەبىن تۇسىنە المايمىن»، - دەيدى پەتروپاۆل قالاسىنىڭ تۇرعىنى رايحان ورىنباساروۆا.

وبلىس ورتالىعىنداعى اۆتوبۋس ايالدامالارىنىڭ ٴبىرىن قيراتقان 44 جاستاعى ەر ادامعا 12 مىڭ تەڭگە ايىپپۇل سالىندى. وعان قوسا، ول سوت شەشىمى بويىنشا نىساندى جوندەۋگە كەتكەن شىعىندى كوتەرەدى. ٴوزىنىڭ ارام پيعىلىن ىسكە اسىرىپ جاتقان ادامدى جول-پاترۋلدىك پوليسياسىنىڭ قىزمەتكەرلەرى ۇستاپ العان.

«مۇنداي ارەكەت – قر اكىمشىلىك قۇقىق بۇزۋشىلىق تۋرالى كودەكستىڭ 434-بابى بويىنشا ۇساق بۇزاقىلىق دەپ باعالانادى. وسى باپپەن مەيلىنشە از جازا 5 ايلىق ەسەپتىك كورسەتكىش كولەمىندە ايىپپۇل سالۋ نەمەسە 10 تاۋلىككە دەيىن باس بوستاندىعىنان ايىرۋ» - دەيدى پەتروپاۆل قالالىق پوليسيا باسقارماسىنىڭ جەرگىلىكتى پوليسيا قىزمەتى باستىعىنىڭ ورىنباسارى پوليسيا مايورى شامشيدەن اقىشەۆ.

ٴتارتىپ ساقشىلاردىڭ ايتۋىنشا، وسىنداي نىسانداردى قيراتقانى ٴۇشىن قىلمىستىق جاۋاپكەرشىلىككە تارتۋ دا كوزدەلگەن. ايالداما ٴبۇلدىرۋدىڭ 13 فاكتىسى بويىنشا شىعىن سوماسى 200 ايلىق ەسەپتىك كورسەتكىشتەن اسىپ كەتكەن. اتالعان ەپيزودتار بويىنشا قر قىلمىستىق كودەكسىنىڭ 293-بابى «بۇزاقىلىق» فاكتىسى بويىنشا سوتقا دەيىنگى تەرگەپ –تەكسەرۋ امالدارى جۇرگىزىلۋدە.

فوتولار: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي