BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

پەتروپاۆلدا ەكى قىزدى سوعىپ كەتكەن «لەكسۋس» جۇرگىزۋشىسى ىزدەستىرىلۋدە

فوتو: ашық дереккөзден

سولتۇستىك قازاقستان وبلىسنىڭ پوليسەيلەرى ەكى قىزدى سوعىپ، جول كولىك وقيعاسى ورنىنان قاشىپ كەتكەن «لەكسۋس» اۆتوكولىگىنىڭ جۇرگىزۋشىسىن ىزدەستىرىپ جاتىر، دەپ حابارلايدى «baq.kz» ايماقتاعى ٴتىلشىسى.

بۇعان دەيىن حابارلاعانىمىزداي، جول-كولىك وقيعاسى 15 قىركۇيەك كۇنى تاڭعى ساعات 4:30 شاماسىندا تىركەلگەن ەدى.

تۇنگى كلۋب جانىندا جوعارى جىلدامدىقپەن ٴجۇرىپ بارا جاتقان اۆتوكولىك جولعا قاراي بەت العان ەكى قىزدى سوعىپ كەتكەن. وبلىستىق ٴىىد ٴباسپاسوز قىزمەتىنىڭ حابارلاعانىنداي، ٴقازىر اتالعان فاكتى بويىنشا قر قىلمىستىق كودەكسىنىڭ 2-بابىنىڭ 345-تارماعى بويىنشا سوتقا دەيىنگى تەرگەۋ امالداردى جۇرگىزىلىپ جاتىر. «لەكسۋستىڭ» جولاۋشىلارى مەن كۋالاردان جاۋاپ الىندى.

ٴتۇرلى دەنە جاراقاتتارىمەن، ەس-تۇسسىز اۋرۋحاناعا جەتكىزىلگەن ەكى قىزعا ٴتيىستى ەم شارالارى جاسالىپ جاتىر.

«جاپا شەگۋشىلەردىڭ ٴبىرى وبلىستىق اۋرۋحانانىڭ، ەكىنشىسى پەتروپاۆل قالالىق ٴ3-شى اۋرۋحانانىڭ جانساقتاۋ بولىمىنە جەتكىزىلدى. ٴقازىر دارىگەرلەر ەشقانداي بولجام ايتا المايدى. ەكەۋىنىڭ دە جاعدايى اۋىر»، - دەدى وبلىستىق دەنساۋلىق ساقتاۋ باسقارماسىنىڭ ٴباسپاسوز حاتشىسى سامات ساپارالى.

«جول-كولىك وقيعاسى بويىنشا سوت ساراپتاماسى تاعايىندالدى. سوتقا دەيىنگى تەكسەرۋ ماتەريالدارى وبلىستىق ٴىىد تەرگەۋ باسقارماسىنا جىبەرىلدى. بۇل ٴىس ۆەدومستۆو باسشىلىعىنىڭ باقىلاۋىندا»، - دەدى سقو ٴىىد ٴباسپاسوز حاتشىسى نۇربەك باەكين.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي