BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

پەتروپاۆلدا ەكى قىزدى كولىك سوعىپ كەتتى

فوتو: интернеттен

بۇگىن پەتروپاۆل قالاسىندا تاڭعى ساعات 4:30 شاماسىندا «بايسال» مونشاسىنىڭ جانىندا ەكى قىزدى «لەكسۋس» اۆتوكولىگى سوعىپ كەتتى. ەكەۋى دە ەس-تۇسسىز اۋرۋحاناعا جەتكىزىلدى. ٴقازىر دارىگەرلەر ورىمدەي جاستاردىڭ ٴومىرى ٴۇشىن كۇرەسىپ جاتىر، دەپ حابارلايدى «baq.kz» ايماقتاعى ٴتىلشىسى.

الەۋمەتتىك جەلىلەردە تاراعان بەينەجازباعا قاراعاندا توپتان ٴبولىنىپ، جولعا قاراي بەتتەگەن ەكى قىزدى جوعارى جىلدامدىقپەن كەلە جاتقان جەڭىل اۆتوكولىك سۇيرەپ اكەتكەن. ٴقازىر جاپا شەگۋشىلەردىڭ ٴبىرى وبلىستىق اۋرۋحانانىڭ، ەكىنشىسى قالالىق ٴ3-شى اۋرۋحانانىڭ جانساقتاۋ بولىمىندە جاتىر.

«15 قىركۇيەك تاڭعى ساعات 05:09-دا 1996 جىلى تۋىلعان 22 جاستاعى قىز اۋرۋحاناعا ٴتۇستى. اۋىر جاراقاتپەن. ەس-تۇسسىز. جاعدايى وتە اۋىر بولدى. ٴقازىر جاعدايى تۇراقتى دەۋگە بولادى، ٴبىراق اۋىر. ەسىن جيدى. سويلەسە الادى. قاجەتتى ەم-دوم شارالارىن جاساپ جاتىرمىز. ازىرگە بولجام جاساۋدان اۋلاقپىز. ەكىنشى قىز وبلىستىق اۋرۋحانادا ەمدەلىپ جاتىر. ادەتتە وندا باسىنان جاراقان العاندا جىبەرىلەدى. ول جايىندا ەشتەڭە ايتا المايمىن»، - دەدى پەتروپاۆل قالالىق ٴ3-شى اۋرۋحانانىڭ جانساقتاۋ بولىمشەسىنىڭ مەڭگەرۋشىسى دميتريي فليركو.

«بايسال» مونشاسىنىڭ جانىندا جىلدامدىقتى ساعاتىنا 10 شاقىرىمنان اسىرۋعا بولمايدى دەگەن جول بەلگىسى تۇر. ٴقازىر ٴىستىڭ انىق-قانىعى زەرتتەلىپ جاتىر.

«اتالعان فاكتى قر قىلمىستىق كودەكسىنىڭ 2-بابىنىڭ 345-تارماعى بويىنشا سوتقا دەيىنگى تەرگەۋ امالداردى باستالدى. جول-كولىك وقيعاسى بويىنشا ساراپتاما جاسالىپ جاتىر»، - دەدى سقو ٴىىد ٴباسپاسوز حاتشىسى نۇربەك بايەكين.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي