BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

پەتروپاۆل بازارىندا زاڭسىز سپيرت ساتىپ جۇرگەندەردىڭ جولى كەسىلدى

سولتۇستىك قازاقستان وبلىسى. baq.kz ٴتىلشىسى. پەتروپاۆل بازارلارىنىڭ بىرىندە سپيرت ساۋداسىمەن زاڭسىز اينالىسىپ جۇرگەن كۇدىكتى ۇستالدى. پوليسەيلەر 59 جاستاعى قاريانى ساۋدا جاساپ جاتقان جەرىندە قولعا تۇسىرگەن.

سولتۇستىك قازاقستان وبلىستىق ٴىىد-نىڭ «كورشىلەر باقىلاۋى» توبىنىڭ سەنىم تەلەفونىنا قالا بازارلارىنىڭ بىرىندە سپيت ساتىلىپ جاتقاندىعى تۋرالى حابار تۇسكەن. اتالعان ورىنعا كەلگەن پوليسەيلەر ساتۋشىنى تۇتىنۋشىسىنان اقشا الىپ جاتقان جەرىندە ۇستاعان. ٴتىنتۋ بارىسىندا سۋداگەردەن 100 ليتردەن استام سۇيىقتىق تاركىلەنگەن. ساراپتاما ونىڭ سپيرت ەكەنىن كورسەتتى.

«بىزگە بازاردا الكوگولدىك ونىمدەر زاڭسىز ساتىلعاندىعى جايىندا مالىمەت ٴتۇستى. وسى اقپاراتتى تەكسەرۋ بارىسىندا الكوگول ونىمدەرى تاركىلەندى. اتالعان فاكتى بويىنشا اكىمشىلىك ماتەريال جينالدى. پەتروپاۆل قالاسىنىڭ مامانداندىرىلعان اكىمشىلىك سوتىنا جىبەرىلدى»، – دەيدى پەتروپاۆل قالالىق ٴىىب جەرگىلىكتى پوليسيا قىزمەتىنىڭ ۋچاسكەلىك پوليسيا ينسپەكتورى مىرزاگەلدى يمانبايەۆ.

كۇدىكتى 15 ايلىق ەسەپتىك كورسەتكىش كولەمىندە ايىپپۇل تولەۋى مۇمكىن. جىل باسىنان «كورشىلەر باقىلاۋى» توبىنىڭ ينسپەكتورلارى وسىنداي 6 فاكتىنى انىقتاعان.

«پروفيلاكتيكالىق توپتىڭ سەنىم تەلەفونىنا جىل باسىنان بارلىعى 2 مىڭعا تارتا ٴتۇرلى حابارلامالار كەلىپ ٴتۇستى. ونىڭ ٴ865-ى بويىنشا اكىمشىلىك قۇقىق بۇزۋشىلىقتار انىقتالدى. ولاردىڭ باسىم بولىگى رۇقسات ەتىلمەگەن ورىنداردا ساۋدا جۇرگىزۋ، يتتەر مەن مىسىقتاردى اسىراۋ جانە كوشەلەردى، اۋلالاردى لاستاۋ. «كورشىلەر باقىلاۋى» باعدارلاماسىنىڭ سەنىم تەلەفونى تاۋلىك بويى دەمالىسسىز جۇمىس ىستەيدى. ٴاتى-جونىڭىزدى قالدىرعىڭىز كەلمەسە، جاسىرىن قوڭىراۋ شالۋعا بولادى»، – دەيدى پەتروپاۆل قالالىق ٴىىب باستىعى، پوليسيا پولكوۆنيگى جاندوس مۇقاتوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي