BAQ.kz - Қазақстан жаңалықтары USD 367.3 BAQ.kz - Қазақстан жаңалықтары EUR 419.68 BAQ.kz - Қазақстан жаңалықтары RUB 5.58
استانا:

پاۆلوداردا جول اپاتى كەزىندە جۇرگىزۋشى تىرىدەي جانىپ كەتتى

فوتو: Ашық дереккөз

پاۆلودار، baq.kz ٴتىلشىسى. پاۆلودار قالاسىنا قاراستى بايدالا اۋىلىنىڭ ماڭىندا ەكى كولىك سوقتىعىسىپ، ورتەنىپ كەتتى. تىرىدەي جانعان جۇرگىزۋشىنىڭ ٴاتى-جونى انىقتالعان جوق.

وبلىستىق ىشكى ىستەر دەپارتامەنتى ٴباسپاسوز قىزمەتىنىڭ مامانى الما مۇسابەكوۆانىڭ حابارلاۋىنشا، وبلىس ورتالىعىنان 15 شاقىرىمدىق جەردە «گازەل» جəنە «lada» كولىكتەرى سوقتىعىسقان.

«جول اپاتى كەزىندە ەكى ماشينا تولىق جانىپ كەتتى. ەكىنشى كولىكتىڭ جۇرگىزۋشىسى وقيعا ورنىندا جان تاپسىردى. قازىرگى ۋاقىتتى قر قىلمىستىق كودەكسىنىڭ 345-بابى بويىنشا قىلمىستىق ٴىس قوزعالىپ، وقيعانىڭ جاي-جاپسارى انىقتالىپ جاتىر»، - دەيدى الما مۇسابەكوۆا.

وقيعا ورنىنا تجد-نىڭ ٴورت قۇرىلىمدارى دەرەۋ جەتكەن.

سالا ماماندارىنىڭ ايتۋىنشا، ٴورت ساناۋلى سەكۋندتاردا تۋىنداعان. قۇتقارۋشىلاردىڭ پايىمداۋىنشا، اۆتوكولىكتەر گازبەن ٴجۇرۋى مۇمكىن. اپات ورنىنا جەتكەن ماماندار مۇردەنى كريميناليستىك پوليسيا قىزمەتكەرىنە بەردى.

ەسكە سالا كەتسەك، 28 تامىزدا پاۆلودار وبلىسىندا كاماز تىزگىندەگەن جۇرگىزۋشى تاس جولدىڭ بويىندا 11 سيىردى قاعىپ كەتكەن بولاتىن. جول-كولىك وقيعاسى «ومبى-مايقاپشاعاي» حالىقارالىق تراسساسىنىڭ ٴ335-شى شاقىرىمىندى بولدى. ناقتىراق ايتقاندا، تەرەڭكول اۋدانى بايقونىس اۋىلدىق وكرۋگىنە قاراستى قىزىلتاڭ اۋىلىنىڭ ماڭىندا بولدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي