BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

پاۆلوداردا جىل باسىنان بەرى 27 ادام جول اپاتىنان كوز جۇمعان

فوتو: 365Info

پاۆلودار وبلىسىندا 2018 جىلدىڭ جارتى جىلى ىشىندە 27 ادام تاس جولداردا ورىن العان جول اپاتىنان كوز جۇمعان، دەپ حابارلايدى baq.kz اقپارات اگەنتتىگى pavlodarnews.kz سايتىنا سىلتەمە جاساپ.

بۇل تۋرالى وڭىرلىك كوممۋنيكاسيالار قىزمەتىندە «دەنساۋلىق» مەملەكەتتىك باعدارلاماسىن جۇزەگە اسىرۋ» تاقىرىبىندا وتكەن ٴباسپاسوز ٴماسليحاتىندا وڭىرلىك دەنساۋلىق ساقتاۋ باسقارماسىنىڭ باسشىسى وراز مۇقاشەۆ ايتتى.

«اسىرەسە جاز مەزگىلىندە رەسپۋبليكالىق ماڭىزى بار تاس جولدارىندا قايعىلى وقيعالار كوبەيەدى. تەمىر تۇلپاردى تىزگىندەگەن جۇرگىزۋشىلەر جىلدامدىقتى شامادان تىس اسىرىپ جىبەرەدى. سالدارىنان زارداپ شەككەندەردى ستاسيونارعا جەتكىزگەنگە دەيىن ىشتەن كوپ قان كەتىپ، جاراقاتتىق شوك الادى. ماسەلەن، جاڭا عانا ايتىپ وتكەن 27 ادامنىڭ ٴ15-ى جەدەل جاردەم كەلگەنگە دەيىن وقيعا ورنىندا جان تاسپىرعان. وكىنىشكە وراي، ولاردىڭ ىشىندە ورىمدەي بالالار دا بار. ەستەرىڭىزدە بولسا، وسىدان بىرنەشە اي بۇرىن شىدەرتى كەنتىنىڭ جانىندا «پاۆلودار – استانا» تاس جولىندا ورىن العان جول اپاتى كىشكەنتاي ٴسابي بولعان ٴبىر وتباسىنىڭ ٴومىرىن جالماپ كەتتى»، - دەيدى وراز مۇقاشەۆ.

باسقارما باسشىسى بيىل جاڭا يامىۆشەۆو، چەرنورەسك جانە ۋسەن تاس جولدارىندا جەدەل جاردەم كولىكتەرى ورنالاسقان ٴۇش كولىك پۋنكتى اشىلعانىن جانە الداعى ۋاقىتتا قوسىمشا ەكى پۋنكت ىسكە قوسىلاتىنىن جەتكىزدى.

«وسىنىڭ ناتيجەسىندە وقيعا ورنىنا 15-20 مينۋتتىڭ ىشىندە جەتىپ، ۋاقىتتى ۇنەمدەۋگە مۇمكىندىك تۋادى. «قالقامان – شىدەرتى» باعىتىنداعى كولىك مەديسينالىق پۋنكتەرىن دەنساۋلىق ساقتاۋ سالاسىنا تاپسىرۋ تۋرالى ۇكىمەتتىڭ شەشىمى شىققانىن اتاپ وتكەن ٴجون. بۇل كومەك كورسەتۋ ساپاسىن جاقسارتىپ، جول اپاتىنان زارداپ شەككەندەردى ەمحانالارعا دەر كەزىندە جەتكىزۋگە مۇمكىندىك بەرەدى. وسىلايشا رەسپۋبليكالىق جولدارداعى پۋنكتتەر اشۋ ماسەلەسى تولىق شەشىمىن تابادى»، - دەيدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي