BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

پاۆلودارلىق دارىگەرلەر قۇدىققا قۇلاپ تۇسكەن بالانى قۇتقاردى

فوتو: Автор

پالۆودارلىق جەدەل جاردەم قىزمەتكەرلەرى كارىز قۇدىعىنا ٴتۇسىپ كەتكەن بالانىڭ ٴومىرىن اراشالاپ قالدى، دەپ حابارلايدى baq.kz ايماقتاعى ٴتىلشىسى.

وبلىستىق مەديسينالىق جەدەل جاردەم ستانسياسى ٴباسپاسوز قىزمەتىنىڭ حابارلاۋىنشا، 5 جاسار بالا سۋىق سۋدان جاۋراپ، شايىندى سۋعا تۇنشىعىپ قالعان.

«جەدەل جاردەم قىزمەتكەرلەرىنىڭ شۇعىل قىزمەتىنىڭ ارقاسىندا ٴبۇلدىرشىن امان قالدى وقيعا دەمالىس كۇنى اقسۋ قالاسىنىڭ اۋىلدىق ايماعىنا قاراستى بەرەكە اۋىلىندا بولدى. ارەڭ دەم الىپ جاتقان بالانى قۇدىقتان توتەنشە جاعدايلار دەپارتامەنتىنىڭ ماماندارى الىپ شىقتى. ۇل بالا قاتتى توڭىپ قالعان. وعان دەم الۋ جولدارىنىڭ اسپيراسياسى دياگنوزى قويىلدى»، - دەپ حابارلادى ستانسيانىڭ ماماندارى.

رەانيماسيالىق ٴىس-شارالاردان كەيىن بالا اقسۋ قالاسىنىڭ ورتالىق اۋرۋحاناسىنا جەتكىزىلدى. قازىرگى كەزدە ٴبۇلدىرشىن پاۆلودار قالاسىنداعى وبلىستىق بالالار اۋرۋحاناسىندا ەم الىپ جاتىر. زارداپ شەككەن بالا وبلىس ورتالىعىنا ساناۆياسيا ارقىلى اكەلىندى.

وبلىستىق جەدەل جاردەم ستانسياسى باس دارىگەرىنىڭ ورىنباسارى الماس مەكيشەۆتىڭ ايتۋىنشا، وڭىردە سانيتارلىق اۆياسيا ىسكە قوسىلعاننان بەرى بىلتىرعى جىلمەن ەسەپتەگەندە 200-دەن اسا ادامعا كومەك كورسەتىلدى.

سانيتارلىق اۆياسيا جەلىسى بويىنشا بيىلعى جىلدىڭ سەگىز ايىنىڭ ىشىندە 300 ادامعا كومەك كورسەتىلدى.

«قازىرگى تاڭدا وبلىستا سانيتارلىق اۆياسيانىڭ ٴۇش ٴتۇرى قىزمەت ەتەدى. رەانيموبيل، تىكۇشاق جانە ۇشاق تۇرلەرى قولدانىستا. قۇرالدار ەڭ وزىق ۇلگىدەگى زاماناۋي مەديسينالىق قۇرال-جابدىقتارمەن قامتاماسىز ەتىلگەن. ماماندار العاشقى كومەكتەن باستاپ كۇردەلى رەانيماسيالىق شارالاردى جۇرگىزەدى»، - دەيدى مامان.

ايتا كەتەيىك، پاۆلوداردىڭ جەدەل جاردەم ستانساسىندا 165 دارىگەر قىزمەت ەتەدى. ولاردىڭ ٴ80-ى ساناۆياسياعا بەكىتىلگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي