BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

پاۆلوداردا تۇندە بىرنەشە نىساننىڭ توبەسى ورتەنىپ كەتتى

فوتو: ТЖД баспасөз қызметінен

پاۆلودار قالاسىندا جەكەمەنشىك سەكتور اۋماعىنداعى ەكى ٴۇيدىڭ توبەسى تۇتاستاي ورتەنىپ كەتتى، دەپ حابارلايدى baq.kz اگەنتتىگىنىڭ ايماقتاعى ٴتىلشىسى.

وقىس جاعداي ەكىنشى پاۆلودار شاعىن اۋدانىنداعى ومسكايا كوشەسىندە بولدى. وبلىستىق تجد ٴباسپاسوز قىزمەتىنىڭ حابارالۋىنشا، ٴورت جەكەمەنشىك ۇيمەن جاپسارلاس ورنالاسقان نىساننىڭ ىشىندەگى پەشتەن شىققان. كەيىن ٴۇي مەن گاراجدىڭ توبەلەرىنە جانە كورشىلەس باسپاناعا اۋىسقان.

«قىزىل جالىن جالماعان اۋماقتىڭ كولەمى شامامەن 200 شارشى مەتردى قۇرايدى. ٴورت ٴۇش ساعاتتىڭ ىشىندە اۋزىدىقتالدى. وقيعا ورنىندا دەپارتامەنتتىڭ 36 ٴورت ٴسونىرۋشىسى جۇمىس ىستەدى. سونىمەن قاتار، التى ارنايى تەحنيكا جۇمىلدىرىلدى»، - دەپ حابارلادى ۆەدومستۆونىڭ ٴباسپاسوز قىزمەتىنىڭ مامانى مارال ساعىنايەۆا.

الدىن الا بولجام بويىنشا ٴورتتىڭ تۇتانۋىنا پەش جىلىتۋ قۇرالىن پايدالانۋ كەزىندە ٴورت قاۋىپسىزدىگىن ساقتاماۋ سەبەپ.

وقيعا كەزىندە زارداپ شەككەندەر مەن كوز جۇمعاندار جوق.

ايتا كەتەيىك، پاۆلودار وبلىسىندا ۇستىمىزدەگى جىل باسىنان بەرى 600-گە جۋىق ٴورت وقيعاسى تىركەلگەن. سالدارىنان 60 ملن. 435 مىڭ تەڭگە كولەمىندە ماتەريالدىق شىعىن كەلدى. ورتتە 20 ادامنىڭ كوز جۇمىپ، 18 ادام ٴتۇرلى جاراقات العان. بۇگىنگى تاڭدا ٴورت سوندىرۋشىلەر وبلىستىڭ تۇرعىن ٴۇي سەكتورىندا پروفيلاكتيكالىق شارالاردى قولعا الدى. الدىن الا جۇمىستارى قازان ايىنىڭ سوڭىنا دەيىن جالعاسادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي