BAQ.kz - Қазақстан жаңалықтары USD 360.71 BAQ.kz - Қазақстан жаңалықтары EUR 411.53 BAQ.kz - Қазақстан жаңалықтары RUB 5.38
استانا:

پاۆلوداردا ورتەنگەن مونشادان ايەل مەن ەكى بالانىڭ مۇردەسى تابىلدى

فوتو: ptzgovorit.ru

وبدلىس ورتالىعىندا ورتەنگەن جازعى ٴاسۇي عيماراتىنان ٴبىر ايەل مەن ەكى بالانىڭ مۇردەسى تابىلدى، دەپ حابارلايدى baq.kz ايماقتاعى ٴتىلشىسى.

بۇل تۋرالى وبلىستىق توتەنشە جاعدايلار دەپارتامەنتى ٴباسپاسوز قىزمەتىنىڭ مامانى مارال ساعىنوۆا حابارلايدى.

«پوتانين كوشەسىنىڭ بويىنداعى جەكەمەنشىك ٴۇيدىڭ اۋماعىندا مونشاعا جاقىن ورنالاسقان جازعى ٴاسۇي ورتەندى. قىزىل جالىن تەز ارادا اۋىزدىقتالدى. ٴورت 20 شارشى مەترلىك اۋماقتى شارپىدى. مونشادان ٴۇش ادامنىڭ مۇردەسى تابىلدى»، - دەپ حابارلادى ٴورت سوندىرىشۋلەر.

مامانداردىڭ مالىمەتىنشە، كوز جۇمعان ازاماتشانىڭ ٴبىرى 30 جاستاعى ايەل، ال ەكەۋى 7 جانە 4 جاستاعى بالالار بولىپ شىقتى. ٴورت سوندىرۋشىلەر عيماراتتىڭ ورتەنۋىنە اسۇيدەگى ەلەكتر تاراتۋ سىمدارىنىڭ تۇيىقتالۋى سەبەپ بولۋى مۇمكىن دەگەن پىكىردە.

پاۆلودار وبلىستىق تجد ٴورت سالاسىنداعى قاۋىپسىزدىكتى باقىلاۋ جانە پروفيلاكتيكالىق قىزمەت باسقارماسىنىڭ باستىعى سەرىك ىسقاقوۆتىڭ مالىمەتىنشە، بيىلتىرعى جىلدىڭ ٴبىرىنشى توقسانىندا 163 ٴورت تىركەلىپ، 19 ملن تەڭگەدەن استام سوما شىعىن كەلتىرىلدى. سالدارىنان 12 ادام قايتىس بولىپ، 11 ازامات ٴتۇرلى جاراقات العان.

وقىس جاعدايلاردىڭ نەگىزگى سەبەپتەرى قاتارىندا تۇرعىنداردىڭ ابايسىزدىعى، ەلەكتر قۇرالدارىن قولدانۋ مەن مونتاجداۋداعى ولقىلىقتار، سونداي-اق، ٴورت قاۋىپسىزدىگى ەرەجەلەرىن ساقتاماۋ بار. ٴورت كەزىندە كوز جۇمعانداردىڭ بارلىعى الەۋمەتتىك ٴالجۋاز توپتارعا جاتاتىن ازاماتتاردىڭ ۇيلەرىندە تىركەلگەن. سوت-مەديسينالىق ساراپتاماعا سايكەس اجال قۇشقان 12 ادامنىڭ سەگىزىنىڭ قانىندا ىشىمدىك بولعانى انىقتالعان.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي