BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

پاۆلوداردا كارىز قۇدىقتارىنىڭ قاقپاقتارىن ۇرلاۋ جيىلەپ كەتكەن

فوتو: Автор

پاۆلودار قالاسىندا كارىز ليۋكتەرىنىڭ قاقپاقتارىن جىمقىرعان ازاماتتارعا قاتىستى 12 ٴىس قوزعالعان. بۇگىنگى كۇنى ەكى ۇرلىقتىڭ بەتى اشىلدى، دەپ حابارلايدى baq.kz ايماقتاعى ٴتىلشىسى.

ىشكى ىستەر ورگاندارىنىڭ مالىمەتىنشە، وڭىردە جىل باسىنان بەرى 12 ۇرلىق دەرەگى تىركەلگەن. پاۆلودار قالالىق جەرگىلىكتى پوليسيا قىزمەتىنىڭ باستىعى، پوليسيا مايورى ارمان قاپتايەۆتىڭ ايتۋىنشا، قازىرگى ۋاقىتتا قىلمىستىق ىستەر قوزعالىپ، سوتقا دەيىنگى تەرگەۋ امالدارى جۇرگىزىلىپ جاتىر.

«وكىنىشكە قاراي، 10 قىلمىستىڭ ەكەۋىنىڭ عانا بەتى اشىلدى. ۇرىلار كوبىنەسە بەينەباقىلاۋ كامەرالارى جوق اۋلالاردى كەزىپ جۇرەدى. كەيىن ىزدەرىن سۋىتادى. بۇگىنگى كۇنى شويىن قاقپاقتاردى ىزدەستىرۋ بويىنشا جۇمىستار كۇشەيتىلگەن. ٴبىزدىڭ ماماندار ٴتۇستى مەتالل قابىلداۋ ورىندارىن تەكسەردى. قازىرگى تاڭدا وبلىس ورتالىعىندا 36 نىسان بار. تەكسەرىس ناتيجەسىندە التاۋى زاڭسىز كاسىپكەرلىكپەن اينالىسقانى انىقتالدى. بيزنەسمەندەرگە ايىپپۇل سالىنىپ، قىزمەتتەرىن توقتاتتىق»، - دەيدى ارمان قاپتايەۆا.

جۋىردا ٴبىر ٴتۇننىڭ ىشىندە 5 ليۋك قاقپاعى قولدى بولدى. بۇل تۇرعىنداردىڭ الاڭداۋشىلىعىن تۋدىردى، سەبەبى 2،5-3 مەترلىك قۇدىققا بالالار قۇلاپ كەتۋى ابدەن مۇمكىن.

ماسەلەن، دەمالىس كۇندەرى اقسۋ قالاسىنا قاراستى اۋىلدىق ايماقتا اشىق تۇرعان كارىز قۇدىعىنا 5 جاسار بالا قۇلاپ كەتتى. وعان قوسا، كاناليزاسيالىق كامەرانىڭ ىشىندە سۋ بولىپ، ٴبۇلدىرشىن تۇنشىعىپ قالا جازدادى. ابىروي بولعاندا، وقيعا ورنىنا قۇتقارۋشىلار جەتىپ، بالاعا مەديسينالىق كومەك كورسەتىلدى.

پاۆلودار قالالىق تۇكش ٴبولىمىنىڭ مالىمەتىنشە، وبلىس ورتالىعىندا 8 مىڭنان استام ليۋك كامەراسى بار.

«قاقپاقتاردىڭ بارلىعى قالالىق كوممۋنالدىق مەنشىككە تيەسىلى، سوندىقتان ولاردىڭ ۇرلىعىن تييۋ كەرەك. ەگەر ۇرلىق فاكتىلەرى انىقتالسا، تۇرعىندار كوپ كۇتتىرمەي شاعىمدانعاندارى ابزال. ٴبىز ٴوز كەزەگىمىزدە، پوليسيا ورگاندارىنا حابارلاسىپ، ٴتيىستى شارالاردى قولعا الامىز»، - دەيدى ٴبولىمنىڭ باس مامانى ەسبولات ايتوۆ.

ايتا كەتەيىك، ۇساق ۇرلىق جاساعان زاماتتارعا قاتىستى 100 اەك كولەمىندە ايىپپۇل نەمەسە ٴبىر جىلعا دەيىن باس بوستاندىعىنان ايىرۋ جازاسى قولدانىلادى. سالا ماماندارىنىڭ ايتۋىنشا، تەمىر-تەرسەك رەتىندەگى قاقپاقتاردى كوبىنەسە تۇرعىلىقتى مەكەنجايى جوق ازاماتتار جىمقىرادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي