BAQ.kz - Қазақстан жаңалықтары USD 360.12 BAQ.kz - Қазақстан жаңалықтары EUR 409.67 BAQ.kz - Қазақстан жаңалықтары RUB 5.33
استانا:

پاۆلوداردا كورپەگە ورانعان 2 جاسار بالا تۇنشىعىپ ٴولدى

پاۆلودار اۋدانىنا قاراستى كراسنوارمەيكا اۋىلىندا 2 جاسار ٴسابي كورپەگە ورالىپ، تۇنشىعىپ قالدى، دەپ حابارلايدى baq.kz ايماقتاعى ٴتىلشىسى.

قايعىلى وقيعانىڭ بولعانىن وبلىستىق توتەنشە جاعدايلار دەپارتامەنتى مەن دەنساۋلىق ساقتاۋ باسقارماسىنىڭ وكىردەرى راستادى.

«كراسنوارمەيكا اۋىلدىق امبۋلاتورياسىنا شاقىرتۋ ساعات 17.05-تە ٴتۇستى. اراعا 10 مينۋت سالىپ، مەديسينا ماماندارى وقيعا ورنىنا دەرەۋ جەتتى. وكىنىشكە قاراي، ساعات 17.15-دە دارىگەرلەر 2016 جىلى تۋعان بالانىڭ بيولوگيالىق ٴولىمىن تىركەدى»، - دەيدى وبلىستىق دەنساۋلىق ساقتاۋ باسقارماسىنىڭ ٴباسپاسوز حاتشىسى ەلميرا تەمىرعاليەۆا.

سالالىق ۆەدومستۆو ماماندارىنىڭ حابارلاۋىنشا، ۇل بالانىڭ ٴولىمى تۋرالى اقپارات پاۆلودار اۋداندىق ىشكى ىستەر ٴبولىمىنىڭ وكىلدەرىنە جولداندى. ٴسابيدىڭ مۇردەسى بويىنشا سوت-مەديسينالىق ساراپتاما جۇرگىزىلەتىن بولادى.

ەسكە سالا كەتسەك، ٴبىر كۇن بۇرىن وتقا ورانعان مونشانىڭ ىشىنەن 7 جانە 4 جاسار ەكى بالانىڭ مۇردەسى تابىلعان بولاتىن. ٴتىلسىز جاۋ پاۆلودار قالاسىنداعى جەكەمەنشىك سەكتورىنىڭ بىرىندە بولدى. تاپا تال تۇستە جازعى اس ٴۇيدىڭ عيماراتى ورتەنىپ، 29 جاستاعى ايەل ەكى بالاسىن شومىلدىرىپ جاتقان كۇيى اجال قۇشتى. بالالار ورامالعا ورالعان كۇيى تابىلدى.

مارقۇمدارمەن قوشتاسۋ ٴراسىمى بۇگىن وتەدى. «جاس وتان» جاستار قاناتى مەن ەرىكتىلەر بەلسەندىلەرى كومەك قولىن سوزعان.

«وتاعاسىن جەرلەۋ كەزىندە ادامداردى پاۆلوداردان مويىلدى اۋىلىنا دەيىن تاسىمالدايتىن كولىك تاۋىپ بەرۋدى سۇرادى. ٴبىز كومەك بەردىك»، - دەيدى جاستار قاناتىنىڭ ٴتورايىمى سانيرا ٴجۇسىپوۆا.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي