BAQ.kz - Қазақстан жаңалықтары USD 343.45 BAQ.kz - Қазақстан жаңалықтары EUR 399.57 BAQ.kz - Қазақстан жаңалықтары RUB 5.52
استانا:

پاۆلودار وبلىسىندا ۇلتتىق بيۋرو ماماندارى 50 جالعان زەينەتكەردى اشكەرەلەدى

فوتو: nn-now.ru

پاۆلودار وبلىسىندا اسا ٴىرى كولەمىندە مەملەكەت بيۋدجەتىن جىمقىرعان ٴبىر توپ مەملەكەتتىك قىزمەتشى بويىنشا قىلمىستىق ٴىس تەرگەلىپ اياقتالدى. ۇلتتىق بيۋرو ماماندارى جالعان انىقتامالار ارقىلى زەينەتاقى تاعايىندالعان 50 جالعان تۇلعانى اشكەرەلەدى، دەپ حابارلايدى baq.kz ايماقتاعى ٴتىلشىسى.

بۇل تۋرالى مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ پاۆلودار وبلىسى بويىنشا دەپارتامەنتىنىڭ ٴباسپاسوز حاتشىسى اينۇر ٴسادۋاقاسوۆا حابارلادى.

ۆەدومستۆو تاراتقان اقپاراتقا سايكەس «ازاماتتارعا ارنالعان ۇكىمەت» مەملەكەتتىك كورپوراسيا» كوممەرسيالىق ەمەس اق وبلىستىق دەپارتامەنتى باسشىسىنىڭ ورىنباسارى لۋكاشەۆا، پاۆلودار وبلىسى بويىنشا ەڭبەك، الەۋمەتتىك قورعاۋ جانە كوشى-قون دەپارتامەنتىنىڭ ٴبولىم باسشىسى سماعۇلوۆا جانە وزگە ازاماتتار بيۋدجەت قاراجاتىن جىمقىرعانى انىقتالدى.

مامانداردىڭ حابارلاۋىنشا، جۇمىسكەرلەر 2005 جىلدان بەرى لاۋازىمدىق قىزمەتتەرىن پايدالانا وتىرىپ، وبلىس تۇرعىندارىنا زەينەتاقى تولەمدەرىن زاڭسىز رەسىمدەپ كەلگەن. بۇل قىزمەتتەرى ٴۇشىن 300 مىڭ تەڭگەدەن 1 ملن تەڭگەگە دەيىن سىياقى العان.

«تۇلعالار توبى ازاماتتاردى ىزدەپ، ولارعا الەۋمەتتىك تولەمدەردى رەسىمدەگەن. بۇگىندە 50 جالعان زەينەتكەر انىقتالىپ، مەملەكەتكە شامامەن 120 ملن تەڭگە كولەمىندە شىعىن كەلتىرگەن. زەينەتاقى جالعان قۇجاتتار نەگىزىندە، ياعني مۇراعاتتىق انىقتامالار بويىنشا تاعايىندالعان»، - دەيدى ماماندار.

سماعۇلوۆا 15 مامىردان باستاپ ٴۇيقاماقتا بولسا، لۋكاشەۆا قاماۋعا الىندى.

قازىرگى تاڭدا قىلمىستىق ٴىس ماتەريالدارى پروكۋراتۋراعا جولداندى، كەيىن سوت ورگاندارىنا جىبەرىلەدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي