BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

پاۆلودار وبلىسىندا تۇتاستاي وتباسىنىڭ ولىمىنە سەبەپشى بولعان جۇرگىزۋشى اقشالاي كەپىلدىكپەن بوساتىلدى

فوتو: Kursiv.kz

ەكى ايلىق ٴسابي مەن اتا-اناسىنىڭ ٴومىرىن جالماعان قايعىلى وقيعا پاۆلودار-قىزىلوردا تاسجولىندا بولعان. 59 جاستاعى ەر ادام ماس كۇيىندە toyota ماركالى كولىگىنە وتىرىپ، جولدىڭ قارسى جولاعىنا شىعىپ، باسقا جەڭىل كولىكتى قاعىپ كەتكەن. سونىڭ سالدارىنان ەرلى-زايىپتىلار مەن ولاردىڭ ەكى ايلىق ۇلدارى قازا تاپتى، دەپ حابارلايدى baq.kz اقپارات اگەنتتىگى zakon.kz سايتىنا سىلتەمە جاساپ.

وتباسى مۇشەلەرىنىڭ قازا تابۋىنا سەبەپشى بولعان ماس جۇرگىزۋشىنىڭ ٴىسى ايماق تۇرعىندارىن تاڭعالدىردى. كۇدىكتىگە قاتىستى قىلمىستىق ٴىس قوزعالىپ، تەرگەۋ يزولياتورىنا جىبەرىلدى. ٴبىراق ەكىباستۇزداعى سوت ونى 1 ميلليون 200 مىڭ تەڭگە كولەمىندەگى اقشالاي كەپىلدىكپەن بوساتتى. قازا تاپقان وتباسىنىڭ تۋىستارى كىنالى ادام سوت ۇكىمىن تەرگەۋ يزولياتورىندا كۇتۋىن تالاپ ەتۋدە.

«ول ٴقازىر امان-ەسەن ۇيىندە جاتىر. كولىك اپاتى سالدارىنان العان جاراقاتى دا جوق، ەش جەرى سىنعان دا جوق. ونىڭ كىناسىنەن 3 جازىقسىز ادام قازا تاپتى. ونى كەپىلدىكپەن بوساتتى. ٴبىز ونىڭ نە ٴۇشىن بوساتىلعانىن تۇسىنبەيمىز!» - دەيدى قازا تاپقان كەلىنشەكتىڭ اپكەسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي