BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

پاۆلودار وبلىسىندا قايىقپەن سەرۋەندەگەن 15 جاسار قىز قولىنان ايىرىلدى

فوتو: enigma-project.ru

پاۆلودار وبلىسىندا ەرتىس وزەنىندە قايىقپەن سەرۋەندەگەن 15 جاسار قىز قولىنان ايىرىلىپ قالدى، دەپ حابارلايدى baq.kz ايماقتاعى ٴتىلشىسى.

وقىس جاعداي وبلىسقا قاراستى قاشىر اۋدانىنىڭ تەرەڭكول اۋىلىندا بولدى. كۋاگەرلەردىڭ ايتۋىنشا، جەتكىنشەك وزەندە قايىقپەن سەرۋەندەگەن كەزدە قولىنا ٴجىپ بايلاپ العان. سۋ كولىگى بۇرىلىس جاساعاندا ٴجاسوسپىرىم وزەن بويىمەن سۇيرەتىلىپ كەتكەن. سالدارىنان قىز بالا قولدىڭ بۋىنىنان تومەنگى قاراي بولىگى ٴۇزىلىپ كەتكەن.

وبلىستىق دەنساۋلىق ساقتاۋ باسقارماسىنىڭ حابارلاۋىنشا، تەرەڭكول اۋىلىنىڭ تۇرعىنى وبلىستىق بالالار اۋرۋحاناسىندا ەم قابىلداپ جاتىر.

«قىز بالا كەشكى 21.00-دە قاشىر اۋداندىق ورتالىق اۋرۋحاناسىنان وبلىستىق بالالار اۋرۋحاناسىنا جەتكىزىلدى. وعان «سول بىلەك بۋىنىنىڭ ەكزارتيكۋلياسياسى» دەگەن دياگنوز قويىلدى. ەم-دوم شارالارى مەن مەديسينالىق تەكسەرۋ قىزمەتىن تولىق كولەمدە الىپ جاتىر»، - دەيدى وبلىستىق دەنساۋلىق ساقتاۋ باسقارماسىنىڭ ٴباسپاسوز حاتشىسى ەلميرا تەمىرعاليەۆا.

ەسكە سالا كەتسەك، بۇل سوڭعى كۇندەرى بالالارعا بايلانىستى ورىن العان العاشقى قايعىلى وقيعا ەمەس. دەمالىس كۇندەرى باياناۋىل اۋدانىندا 9 جاستاعى ۇل بالا تاۋدان قۇلاپ، اشىق باس-مي جاراقاتىن العان بولاتىن. بۇگىندە جەتكىنشەك ەسىن جيىپ، جاعدايى تۇراقتالدى.

«بالاعا اشىق باس-مي جاراقاتى دەگەن دياگنوز قويىلدى. بالالار اۋرۋحاناسىنا باس سۇيەگىنىڭ جاراقاتىمەن ەسسىز كۇيدە جەتكىزىلدى. بىرنەشە كۇننىڭ ىشىندە جاعدايى تۇراقتالدى. قازىرگى ۋاقىتتا كونسەرۆاتيۆتى ەم-دوم شارالارى جۇزەگە اسىرىلۋدا»، - دەيدى وبلىستىق بالالار اۋرۋحاناسى باس دارىگەرىنىڭ مىندەتىن اتقارۋشى يرينا ورساگوش.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي