BAQ.kz - Қазақстан жаңалықтары USD 375.9 BAQ.kz - Қазақстан жаңалықтары EUR 423.56 BAQ.kz - Қазақстан жаңалықтары RUB 5.55
استانا:

پاۆلودار وبلىسىندا دەمالىس كۇندەرى ٴۇش ادام سۋعا باتىپ كەتتى

فوتو: Surfingbird

پاۆلودار وبلىسىندا دەمالىس كۇندەرى ٴۇش ادام سۋعا باتىپ كەتتى، دەپ حابارلايدى baq.kz اقپارات اگەنتتىگى pavlodarnews.kz سايتىنا سىلتەمە جاساپ.

وبلىستىق تجد ٴباسپاسوز قىزمەتىنىڭ مالىمەتىنشە، وقيعا اقسۋ قالاسى مەن باياناناۋىل اۋدانىندا بولعان.

«7 شىلدە كۇنى جاسىباي وزەنىندە 17 جانە 18 جاستاعى جاسوسپىرىمدەر سۋعا باتىپ كەتتى. ولاردىڭ كوزدەن تاسا بولعانى تۋرالى اقپارات جەدەل قۇتقارۋ جاساعىنا ساعات 16.15-تە تۇسكەن. قۇتقارۋشىلار ولاردى ٴبىر ساعات بويى سۋ استىندا ىزدەگەن. ەكىنشى وقيعا اقسۋ كەنتىنىڭ ەرتىس وزەنى بەلايا اعىنىندا 8 شىلدە كۇنى بولعان. 25 جاستاعى كەلىنشەك ساعات 18.30-دا سۋعا باتىپ، ونى جەرگىلىكتى تۇرعىندار 15 مينۋتتان كەيىن جاعالاۋعا الىپ شىققان»، - دەلىنگەن ٴباسپاسوز حابارلاماسىندا.

ۆەدومستۆونىڭ ٴباسپاسوز قىزمەتىندە ەكى جاعدايدا دا قايعىلى وقيعا شومىلۋعا ورناتىلماعان جەردە ورىن العانىن اتاپ ٴوتتى. سوندىقتان دا قۇتقارۋشىلار وبلىس تۇرعىندارى مەن قوناقتارىن جازعى ماۋسىمدا سۋ ايدىندارىندا قاۋىپسىزدىك شارالارىن ساقتاپ، شومىلۋعا رۇقسات ەتىلگەن جەرلەردە عانا دەمالۋدى سۇرايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي