BAQ.kz - Қазақстан жаңалықтары USD 344.58 BAQ.kz - Қазақстан жаңалықтары EUR 400.51 BAQ.kz - Қазақстан жаңалықтары RUB 5.47
استانا:

پاۆلودار وبلىسىندا 8 ادام سۋعا باتىپ كەتتى

فوتو: Автор

پاۆلودار وبلىسىندا شومىلۋ ماۋسىمى باستالعالى بەرى 8 ادام سۋعا كەتىپ، اجال قۇشتى. ولاردىڭ تورتەۋى – بالا، دەپ حابارلايدى baq.kz ايماقتاعى ٴتىلشىسى.

ٴبىر قايعىلى جاعداي باياناۋىل اۋدانىنىڭ جاسىباي كولىندە بولدى. ەكى جاس ازامات كاتامارانمەن ٴجۇزىپ، قۇتقارۋ جيلەتتەرىن كيمەگەن بولىپ شىقتى. قۇتقارۋشىلاردىڭ ايتۋىنشا، جەل كوتەرىلگەن ساتتە كاتاماران اۋدارىلىپ كەتكەن. سالدارىنان ەكى ادام سۋعا كەتتى. الدىن الا بولجام بويىنشا 17 جانە 16 جاسار جىگىتتەر اعايىندى بولۋى مۇمكىن.

مامانداردىڭ ايتۋىنشا، سۋ كولىگى اۋدارىلعان جەردەگى تەرەڭدىك جەتى مەتردەن اسادى. قازىرگى ۋاقىتتا مۇردەنى ىزدەستىرۋ شارالارىن ٴتورت سۇڭگۋىر جۇرگىزىپ جاتىر. الدىمەن ٴۇش كۇن بويى بەلسەندى ىزدەۋ جۇمىستارى، كەيىن ٴپاسسيۆتى ىزدەۋ جۇمىستارى قولعا الىنادى. مۇردەلەر تابىلماسا، دەنەلەردىڭ جاعاعا شىعۋىن كۇتۋگە تۋرا كەلەدى.

«قايعىلى وقيعا تىركەلگەن جەرلەر جابدىقتالماعان، شومىلۋعا رۇقسات ەتىلمەگەن ورىندار بولىپ شىقتى. ال بالالارمەن بولعان وقيعالار اتا-انالاردىڭ نەمەسە ەرەسەك ازاماتتاردىڭ قاراۋسىز قالۋى سالدارىنان ەكەنى انىقتالدى. سەبەبى، سۋدا قاۋىپسىزدىك ەرەجەلەرىنە سايكەس كامەلەتتىك جاسقا تولماعان بالالالار سۋ ايدىندارىندا تەك قانا اتا-انالارمەن نەمەسە 18 جاسقا تولعان ازاماتتارمەن بولۋى كەرەك»، - دەيدى وبلىستىق تجد جەدەل-قۇتقارۋ وتريادى باستىعىنىڭ ورىنباسارى.

ايتا كەتەيىك، ايماقتاعى 32 جاعاجايدىڭ ٴ22-سى عانا رەسمي تۇردە جۇمىس ىستەپ تۇر. قالعانى جابدىقتالماعان.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي