BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

پاۆلودار وبلىسىندا 76 قاپ ارتەميا ۇرلاعاندار ۇستالدى

پاۆلودار وبلىسىندا پوليسيا قىزمەتكەرلەرى 76 قاپ ارتەميا سالينا شاياندارىن ۇرلاعاندار قۇرىقتالدى، دەپ حابارلايدى baq.kz اگەنتتىگىنىڭ ايماقتاعى ٴتىلشىسى.

ىشكى ىستەر دەپارتامەنتى ٴباسپاسوز قىزمەتىنىڭ حابارلاۋىنشا، زاڭسىز ۇرلىق جاساعاندار ەرتىس اۋدانى ٴىىب قىزمەتكەرلەرىنىڭ پاترۋلدەۋ كەزىندە ەرتىس اۋىلىندا قۇرىقتالدى.

«سولتۇستىك قازاقستان وبلىسى ٴۋاليحانوۆ اۋدانىنىڭ 49 جاستاعى تۇرعىنى تىزگىندەگەن «گاز-53» ماركالى اۆتوماشينا توقتاتىلدى. سالوندا 19 جاستاعى كوكشەتەۋ قالاسىنىڭ تۇرعىنى بولعان. اۆتوماشينانىڭ شاناعىن تەكسەرۋ كەزىندە ناشار ٴيىسى بار، قوڭىر ٴتۇستى زات سالىنعان 78 پوليەتيلدى پاكەت انىقتالدى. تەكسەرە كەلە بۇل ارتەميا سالينا شايانى ەكەنى انىقتالدى. جۇرگىزۋشىدە جۇككە ارنالعان ٴتيىستى قۇجاتتارى دا بولماعان»، - دەيدى دەپارتامەنتتىڭ ٴباسپاسوز قىزمەتىنىڭ وكىلى الما مۇسابەكوۆا.

مامانداردىڭ ايتۋىنشا، كولىك جۇرگىزۋشىسى سولتۇستىك قازاقستان وبلىسى ٴۋاليحانوۆ اۋدانى اۋلىنىڭ بىرىندە جاقىن تانىس ەمەس ادامداردىڭ پاۆلودار قالاسىنا جەتكىزۋ تۋرالى ۇسىنىس جاساعانىن ٴتۇسىندىردى. جۇرگىزۋشى بەيتانىس ازاماتتارعا سەنىپ قالعان. سەبەبى، سولتۇستىك قازاقستان وبلىسىنا قاراستى ٴۋاليحانوۆ اۋدانىنداعى تەكە كولىندە اتەمينا سالينا زاڭدى نەگىزدە اۋلانادى.

بۇل دەرەك بويىنشا قر قىلمىستىق كودەكسىنىڭ 335-بابىنا سايكەس سوتقا دەيىنگى تەرگەۋ جۇرگىزىلۋدە. ساراپتاما تاعايىندالىپ، تەرگەي امالدارىمەن كورشى وبلىستىڭ ماماندارى اينالىسادى. قىلمىستىق ٴىس اۋماعى بويىنشا سقو ىىد-گە جىبەرىلەدى.

ايتا كەتەيىك، ارتەميا سالينا قۇندى شاياندار تۇرىنە جاتادى، ونىڭ جارتى قۇرامى اقۋىزدان تۇرادى. شاياننىڭ ۇزىندىعى ەكى سانتيمەتردەن اسپايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي