BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

وسكەمەندە ٴۇش جىگىت تاپا-تال تۇستە تاكسيستى قىلقىندىرىپ، ماشيناسىن ٴمىنىپ كەتكەن

ولاردىڭ 20، 22 جانە 23 جاستا ەكەندىكتەرى انىقتالدى، دەپ حابارلايدى baq.kz اقپارات اگەنتتىگى altaynews.kz سايتىنا سىلتەمە جاساپ.

وسكەمەندە 10 قىركۇيەك كۇنى بەلگىسىز بىرەۋلەر تاپاتال تۇستە تاكسي جۇرگىزۋشىسىن تۇنشىقتىرىپ، ماشيناسىن ٴمىنىپ كەتكەن.

زارداپ شەگۋشى 51 جاستاعى ەر ادام كولىككە 3 جىگىتتىڭ وتىرىپ، سامسونوۆكا اۋىلىنا جاقىنداعان كەزدە جولاۋشىلاردىڭ ٴبىرى توقتاۋىن ٴوتىنىپ، قىلعىندىرا جونەلگەنىن ايتادى.

ەسىن جيا سالا «daewoo» كولىگىنىڭ يەسى «102» نومىرىنە حابارلاسادى. ٴپاترۋلدى قىزمەت تۇسكەن حابارلاماعا قاتىستى بىردەن ارەكەت ەتىپ، قىلمىسكەرلەردى قۇرىقتاۋدىڭ امالىن جوسپارلايدى.

زارداپ شەگۋشىنىڭ بەرگەن اقپاراتىنان كەيىن بارلىق پاترۋلدىك توپتارعا ۇرلانعان كولىك پەن بۇزاقىلار تۋرالى اقپارات تاراتىلىپ، ٴتارتىپ ساقشىلارى قىلمىسكەرلەردىڭ ٴىزىن سۋىتپاي قۇرىقتادى.

بەلگىلى بولعانداي، ادام ومىرىنە قاستاندىق ويلاعان ٴۇش جىگىتتىڭ 20، 22 جانە 23 جاستا ەكەندىكتەرى انىقتالدى. سونىمەن قاتار، بۇزاقىلار كولىك ۇرلىعىنا قاتىستى جوسپاردى الدىن الا قۇرعان، ويتكەنى ولاردىڭ مارينوگوركا اۋىلىنا جەتەتىن كولىكتەرى بولماعان.

«بۇزاقىلاردى وسكەمەن-سامار تاس جولىنىڭ 123 شاقىرىمىندا ۇستادىق. پاترۋلدىك قىزمەتتىڭ جەدەل جۇمىسىنىڭ ارقاسىندا قۇقىقبۇزۋشىلاردى تەز تابىلدى»، – دەيدى شقو ٴىىد جپپب قىزمەتىنىڭ ينسپەكتورى، اعا لەيتەنانت تىنىس احاتبەكوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي