BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

وسكەمەندە ماس اكە ەكى بالاسىن جوعالتىپ الا جازداعان

فوتو: altaynews.kz

جەرگىلىكتى پوليسيا قىزمەتى جول-پاترۋلدىك پوليسياسى باتالونىنىڭ ينسپەكتورى نۇربولات قاحانوۆتىڭ ارقاسىندا ماس اكەنىڭ قاسىندا قاراۋسىز قالعان ەكى ٴبۇلدىرشىن ۇيلەرىنە ورالدى، دەپ حابارلايدى baq.kz اقپارات اگەنتتىگى altaynews.kz سايتىنا سىلتەمە جاساپ.

جەرگىلىكتى پوليسيا قىزمەتى جول-پاترۋلدىك پوليسياسى باتالونىنىڭ ينسپەكتورى نۇربولات قاحانوۆ دەمالىس كۇنى ٴتۇس اۋا ٴدارىحاناعا بارۋ ٴۇشىن ۇيىنەن شىعادى. كوزدەگەن جەرىنە جاقىنداي بەرە ول ەر ادامنىڭ قاسىندا كەلە جاتقان ەكى بالانى كورەدى. بىردەن ەسىنە وتكەن كۇنى تاڭەرتەڭگى جيىندا ٴتورت جانە ەكى جاستاعى ۇلداردىڭ جوعالعانى تۋرالى باعدار تاراتىلعانى تۇسە كەتەدى.

ول بىردەن نارياد شاقىرىپ، ەركەك پەن بالالارعا جاقىنداپ، قايدان جۇرگەندەرىن، ەر ادامنىڭ كىم ەكەنىن، بالالاردىڭ اتا-اناسى قايدا ەكەنىن سۇراي باستايدى.

پاترۋل كەلگەنشە ينسپەكتور بارلىق جايعا قانىق بولادى. بۇل ەركەك بالالاردىڭ اكەسىمەن كوشەدە تانىسقان ەكەن، اكەلەرى بولسا قاسىندا كىشكەنتاي بالالارىنىڭ بارىن ەسكەرمەي، ٴىشىپ كەتكەن…

بالالاردىڭ اتا-اناسى ٴۇرجار اۋدانىندا تۇرادى ەكەن. شىلدە ايىنىڭ سوڭىندا وتاعاسى ەكى ۇلىن ەرتىپ، ٴوزىنىڭ زايساندا تۇراتىن اكە-شەشەسىنە بارادى. ول جاقتا جارتى اي قوناق بولعان اكە مەن بالالار ۇيلەرىنە وبلىس ورتالىعى ارقىلى قايتاتىندارىن ايتىپ انالارىنا تەلەفون شالادى. قالادا تۇراتىن تۋىستارىن ٴۇش كۇن ارالاعان سوڭ اۆتوبەكەتكە كەتكەن ولار سول كۇيىنشە ۇيلەرىنە ورالمايدى.

20 تامىز كۇنى بالالاردىڭ اكەسى ايەلىنە تەلەفون شالىپ، ٴالى قالادا ەكەندىكتەرىن، قايتار جولعا اقشا جىبەرۋىن وتىنەدى. سۇرالعان اقشا جىبەرىلسە دە، ۇيدەگى انا جۇبايى مەن بالالارىن تاپپاي قالادى. تەلەفون ٴسوندىرۋلى بولعاندىقتان بارلىق تۋىستارىنا حابارلاسقان انالارى 28 تامىز كۇنى اۋداندىق ىشكى ىستەر بولىمىنە ارىز جازادى. وسىدان كەيىن بارلىق پوليسيا بولىمدەرىنە بالالار مەن اكەلەرىنىڭ جوعالعانى جايىندا باعدار تاراتىلادى.

نۇربولاتتاي ينسپەكتوردىڭ ارقاسىندا ماس اكەنىڭ قاسىندا قاراۋسىز قالعان ەكى ٴبۇلدىرشىن ۇيلەرىنە ورالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي