BAQ.kz - Қазақстан жаңалықтары USD 365.49 BAQ.kz - Қазақстан жаңалықтары EUR 420.35 BAQ.kz - Қазақстан жаңалықтары RUB 5.6
استانا:

ورالدا كولىك ۇرلاعان 8 جاستاعى بالاعا پسيحولوگيالىق ساراپتاما جاسالادى

ورالدا ەكى رەت كولىك ۇرلاعان كىشكەنتاي بالاعا پسيحولوگيالىق ساراپتاما جاسالادى، دەپ حابارلايدى ۆaq.kz اقپارات اگەنتتىگى موي گورود باسىلىمىنا سىلتەمە جاساپ.

8 جاستاعى مەكتەپ وقۋشىسى وسىمەن ٴبىر اپتانىڭ ىشىندە ەكىنشى رەت كولىك ۇرلاپ، جول اپاتىن جاسادى.

«ەكى جاعدايدا دا بالانىڭ ارام پيعىلى بولعان جوق. ٴوزىنىڭ ايتۋىنشا مۇنى جاساۋعا نيكيتا ەسىمدى كورشىسى ىقپال ەتكەن. ينسپەكتورلارىمىز ونىڭ ۇيىنە باردى. وتباسى تولىق، ۇلگىلى، ەش جەردە ارنايى ەسەپتە تۇرعان جوق، بالا نەمەسە ونىڭ اتا-اناسى پوليسيانىڭ «كوزىنە» تۇسپەگەن»، - دەدى بقو ٴىىد جپق باستىعىنىڭ ورىنباسارى كەنجەبەك قۇسپايەۆ.

ۇرلىقتان كەلگەن شىعىندار انىقتالىپ جاتىر. زارداپ شەگۋشى ەشقانداي قارسىلىعى جوق ەكەنى تۋرالى ٴوتىنىش جازدى.

بۇعان دەيىنگى فاكتى بويىنشا بالاعا قاتىستى كولىك ۇرلاعانى ٴۇشىن قىلمىستىق ٴىس قوزعالدى. ٴقازىر تەرگەۋ ٴجۇرىپ جاتىر.

«بالاعا قاتىستى قىلمىستىق ٴىس جابىلادى. سەبەبى بالا قىلمىستىق جاۋاپقا تارتىلاتىن جاسقا جەتكەن جوق. ٴبىراق پروسەسسۋالدىق شەشىمنەن كەيىن ونىڭ اتا-اناسىنا قاتىستى اكىمشىلىك جازا قولدانىلۋى مۇمكىن. ياعني ولار قر اكىمشىلىك قۇقىقبۇزۋشىلىق كودەكسىنىڭ 127-بابى بويىنشا «اتا-اناسىنىڭ ٴوز بالالارىنىڭ تاربيەسىنە قاتىستى مىندەتتەرىن ورىنداماعانى ٴۇشىن» اكىمشىلىك جاۋاپقا تارتىلادى»، - دەپ حابارلادى پوليسيا قىزمەتكەرى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي