BAQ.kz - Қазақстан жаңалықтары USD 360.12 BAQ.kz - Қазақстан жаңалықтары EUR 409.67 BAQ.kz - Қазақстан жаңалықтары RUB 5.33
استانا:

ورالدا 9 جاستاعى بالا ٴبىر اپتادا ەكىنشى رەت وزگەنىڭ كولىگىن ايداپ كەتتى

فوتو: 24kz

ورالدا بىرنەشە كۇن بۇرىن وزگەنىڭ كولىگىن ايداپ كەتكەن 9 جاستاعى بالا تاعى دا بەيتانىس ادامنىڭ كولىك رولىنە وتىردى، دەپ حابارلايدى baq.kz اقپارات اگەنتتىگى mgorod.kz سايتىنا سىلتەمە جاساپ.

بۇل جولى بالا قالاداعى ىقشاماۋدانداردىڭ بىرىندە دۇكەن الدىندا تۇرعان toyota كولىگىن ايداپ كەتكەن.

«مەن دۇكەندەگى دوسىما كىردىم. ٴبىز ٴبىراز اڭگىمەلەسىپ وتىردىق. دالاعا شىقسام، كولىگىم ورنىندا جوق. مۇمكىن كولىكتىڭ ەسىگى اشىق تۇرعان بولار، ٴبىراق كولىكتى وتالدىراتىن كىلت مەندە بولعان. نەگىزگى كىلت تە قالتامدا ەدى. ول كولىكتى بەلگىسىز جولمەن وتالدىرىپ العان»، - دەيدى كولىك يەسى يۋريي ۆاسيلەۆ.

كولىكتى جۇرگىزىپ كەتكەن بالا كوپىر استىنداعى باعانعا سوعىلعان. كولىك وقيعاسىنان زارداپ شەككەندەر جوق. بۇعان دەيىن وقۋشى بالا suzuki ماركالى جول تالعامايتىن كولىگىن ايداپ كەتكەن. ول كەزدە كولىك جۇرگىزۋشىسى ەسىكتى اشىلعان كۇيدە، ىشىنە كىلتىن قالدىرىپ كەتكەن ەكەن. بالا سول جاعدايدى پايدالانىپ قالعان. ول جولدا lada granta كولىگىمەن سوقتىعىسىپ قالعان. ونىڭ اتا-اناسى بالالارى كولىك ايداپ كەتۋى مۇمكىن ەكەنىن بىلمەگەن.

بالانىڭ اكەسى سول كۇنى ۇلى ۇيدە كوبەيتۋ كەستەسىن جاتتاپ وتىرعانىن، ودان كەيىن دالاعا قالاي شىعىپ كەتكەنىن بايقاماي قالعانىن ايتقان.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي