BAQ.kz - Қазақстан жаңалықтары USD 327.11 BAQ.kz - Қазақстан жаңалықтары EUR 386.74 BAQ.kz - Қазақстан жаңалықтары RUB 5.34
استانا:

وڭتۇستىك قازاقستان تاۋلارىندا تۋريستەر ٴجيى جوعالادى – تجك

فوتو: podroze.dziennik.pl

وڭتۇستىك قازاقستان وبلىسىندا تۋريستەر مەن دەمالۋشىلاردىڭ اداسىپ كەتۋ جاعدايى تىركەلدى. وتكەن دەمالىس كۇندەرى قۇتقارۋشىلار اداسىپ كەتكەن تۋريستەردى ىزدەگەن، دەپ حابارلايدى baq.kz اقپارات اگەنتتىگى قر ٴىىم تجك-عا سىلتەمە جاساپ.

12 مامىر كۇنى جەدەل-قۇتقارۋ وتريادىنىڭ قۇتقارۋشىلارى اداسىپ كەتكەن ەكى ستۋدەنتتى تاۋ ىشىنەن تاپتى. 13 مامىردا تاعى ٴبىر ادام تاۋ بوكتەرىندە اداسىپ كەتكەن.

كەيىن بەلگىلى بولعانداي، 1997 جىلى تۋعان جىگىت قاسىنداعى ادامدارعا ىلەسە الماي قالىپ، سايرام ۇعام مەملەكەتتىك ۇلتتىق تابيعي پاركىندە اداسىپ كەتكەن. جوعالىپ كەتكەن جىگىتتى ىزدەۋگە 5 قۇتاقرۋشى مەن 1 تەحنيكا جۇمىلدىرىلعان. كەلەسى كۇنى ساعات 09.00-دە تۋريست اداسىپ جۇرگەن جەرىنەن تابىلدى.

وسىعان بايلانىستى وڭتۇستىك قازاقستان وبلىسىنىڭ قۇتقارۋشىلارى قالا تۇرعىندارى مەن قوناقتارىنا تاۋعا شىققان كەزدە ەرەجە ساقتاۋ كەرەك ەكەنىن ەسكەرتەدى. ەڭ الدىمەن تۋىسقاندارعا، ودان كەيىن قۇتقارۋشىلارعا تاۋ باسىنا قاي باعىت بويىنشا شىعاتىنىڭىزدى ەسكەرتۋىڭىز قاجەت.

قوزعالىس باعىتىن الدىن الا انىقتاپ، وزىڭىزبەن بىرگە جىلى كيىم-كەشەگىڭىزدى جانە ازىق-تۇلىك الا شىققانىڭىز ٴجون. ىڭعايلى اياق كيىم كيىپ الىڭىز.ەگەر قاسىڭىزدا ادامدار بولسا، توپتان قالماۋعا تىرىسىڭىز. وزىڭىزبەن بىرگە مىندەتتى تۇردە زاريادتالعان ۇيالى تەلەفون بولسىن.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي