BAQ.kz - Қазақстан жаңалықтары USD 370.49 BAQ.kz - Қазақстан жаңалықтары EUR 421.06 BAQ.kz - Қазақстан жаңалықтары RUB 5.54
استانا:

ولجاس سۇلەيمەنوۆتىڭ نەمەرەسىنىڭ ولىمىنە قاتىستى سوت ۇكىمى شىقتى

استانا، baq.kz. قىزىلوردا وبلىستىق ٴىىد باسشىسىنىڭ 29 جاستاعى قىزى ماليكا مۇحيتوۆا ولجاس سۇلەيمەنوۆتىڭ نەمەرەسى ەسكەندىر قازا تاپقان جول اپاتىنا ايىپتى دەپ تانىلىپ، 2 جىلعا باس بوستاندىعىنان ايىرىلدى، جازاسىن مينيمال دەڭگەيدەگى قاۋىپسىزدىك كولونياسىندا وتەيدى.

"مۇحيتوۆا ماليكا قايراتقىزى قىلمىستىق كودەكستىڭ 345-بابىنىڭ 3-بولىگى بويىنشا ايىپتى دەپ تانىلسىن. 2 جىلعا باس بوستاندىعىنان ايىرىلىپ، جازاسىن قىلمىستىق-اتقارۋ جۇيەسى مەكەمەسىنىڭ مينيمال دەڭگەيدەگى قاۋىپسىزدىك مەكەمەسىندە (قونىس كولونياسىندا - اۆتور.) وتەسىن، 5 جىلعا كولىك قۇرالىن باسقارۋ قۇقىعىنان ايىرىلسىن"، - دەدى سوت ۇكىمىن وقىعان سۋديا قانات توباعالي ۇلى.

tengrinews.kzٴ-تىڭ جازۋىنا قاراعاندا، سۋديا ۇكىم زاڭدى كۇشىنە ەنگەن سوڭ كەپىلمەن بوساتۋ تۇرىندەگى بۇلتارپاۋ شاراسىن قاماۋعا الۋ تۇرىندەگى شاراعا وزگەرتۋ تۋرالى شەشىم شىعارعان.

"سوت ٴسىزدى وسى قىلمىستىق قۇقىقبۇزۋشىلىق ٴۇشىن ايىپتى دەپ تانىدى. سەبەبى ٴسىزدىڭ تاراپىڭىزدان ەرەجەبۇزۋشىلىقتار بولدى. ٴبىز بارلىق ساراپشىدان جاۋاپ الىپ، وسىنداي شەشىمگە كەلدىك. ٴسىزدىڭ تاتۋلاسقىڭىز كەلگەنىن دە ەسكەردىك، ٴبىراق زارداپ شەككەن تاراپتىڭ ۇستانىمىن ەسكەرە وتىرىپ، سوت قاتاڭ جازا تاعايىندادى. ٴبىراق ٴقازىر سوت ٴسىزدى قاماۋعا المايدى، زاڭ كۇشىنە ەنگەن سوڭ قاماۋعا الىناسىز. ۇكىممەن كەلىسپەسەڭىز، 15 كۇن ىشىندە شاعىمدانا الاسىز"، - دەپ ٴتۇسىندىردى سۋديا.

مۇنىڭ الدىندا پروكۋرور سوتتالۋشىنى ەكى جىلعا سوتتاپ، جازاسىن مينيمال قاۋىپسىزدىك مەكەمەسىندە وتەۋدى سۇراعان بولاتىن. كەيىنىرەك ماليكا مۇحيتوۆا سوت وتىرىسىندا سوڭعى ٴسوزىن ايتقان بولاتىن.

"(...) وسىدان ەكى اي بۇرىن ەسكەندىر تۇسىمە كىردى. جاعاجايدا جۇگىرىپ ٴجۇر ەكەن. ۇستىندە اق ٴتۇستى كيىم بولدى، ماعان كۇلىپ قارادى. قاسىندا ٴبىر قىز ٴجۇر. قۇدايدىڭ مەنى ەمەس، ونى الىپ كەتكەنىنە كىنالى ەمەسپىن عوي. وتىنەمىن، كەشىرىڭىزدەرشى، مەنى باس بوستاندىعىمنان ايىرماڭىزدارشى. اتا-انامدى، باۋىرلارىمدى اياڭىزدارشى"، - دەگەن ەدى مۇحيتوۆا سوت زالىندا.

ەسكە سالا كەتەيىك، ولجاس سۇلەيمەنوۆتىڭ نەمەرەسى ەسكەندىر قازا تاپقان جول اپاتى استانادا 2018 جىلدىڭ 22 ماۋسىمىندا ماڭگىلىك ەل مەن كەرەي، جانىبەك حاندار داڭعىلدارىنىڭ قيىلىسىندا بولعان ەدى. كەيىن پوليسيا تەرگەۋ جۇمىستارى جايلى ايتىپ بەرگەن بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي