BAQ.kz - Қазақстан жаңалықтары USD 342.49 BAQ.kz - Қазақстан жаңалықтары EUR 400.85 BAQ.kz - Қазақстан жаңалықтары RUB 5.51
استانا:

تانىسىنىڭ ٴمايىتىن جاسىرماق بولعان قىزىلوردالىق 10 جىلعا سوتتالدى

فوتو: oren.ru

قىزىلوردا وبلىسىندا تانىسىن ولتىرگەن ەر ادام 10 جىلعا باس بوستاندىعىنان ايىرىلدى، دەپ حابارلايدى baq.kz اقپارات اگەنتتىگى newtimes.kz سايتىنا سىلتەمە جاساپ.

قىلمىستىق ٴىس قىزىلوردا وبلىسىنىڭ قىلمىستىق ٴىس جونىندەگى مامانداندىرىلعان اۋدانارالىق سوتتا قارالدى. بۇل جاعداي 2018 جىلى 31 قاڭتاردا بولعان. سول كۇنى قىزىلوردالىق ازامات تانىسىمەن بىرگە ىشىمدىك ىشكەن.

«ىشىمدىك ٴىشۋ بارىسىندا داۋ-داماي تۋىندايدى. سوتتالۋشى تانىسىنىڭ بەتىن قولىمەن دە، اياعىمەن دە ۇرعان. سونىڭ سالدارىنان زارداپ شەگۋشى وقيعا ورنىندا كوز جۇمعان. ٴمايىتتى جاسىرۋ ماقساتىندا قىلمىسكەر 50-60 سانتيمەتر تەرەڭدىكتە شۇڭقىر قازىپ، تانىسىنىڭ دەنەسىن كومىپ تاستاعان. ودان كەيىن ٴمايىتتى ٴوزى تۇرىپ جاتقان ۇيدەن 12 شاقىرىمدىق جەردە ورنالاسقان سەكسەۋىلدىڭ ىشىنە جاسىرعان»، - دەلىنگەن حابارلامادا.

سوت شەشىمى بويىنشا ايىپتالۋشى 10 جىلعا باس بوستاندىعىنان ايىرىلدى. ول قاۋىپتىلىگى اسا جوعارى قىلمىستىق-تۇزەتۋ جۇيەسى مەكەمەسىندە جازاسىن وتەيدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي