BAQ.kz - Қазақстан жаңалықтары USD 374.47 BAQ.kz - Қазақстан жаңалықтары EUR 421.43 BAQ.kz - Қазақстан жаңалықтары RUB 5.54
استانا:

وقو-دا پروكۋروردىڭ ەكس-كومەكشىسى ايەلىنە 5 رەت پىشاق سۇعىپ ٴولتىردى

وڭتۇستىك قازاقستان وبلىسى پروكۋراتۋراسىنىڭ ەكس-قىزمەتكەرىنە ايەلىن ٴولتىردى دەگەن كۇدىك تاعىلدى. قايعىلى جاعداي شىمكەنتتەگى جوعارى وقۋ ورىندارىنىڭ دالىزىندە بولعان. بۇل تۋرالى ٴال-فارابي اۋداندىق سوتىنىڭ سۋديا-ۇيلەستىرۋشىسىنە سىلتەمە جاساپ tengrinews.kz باسىلىمى جازادى، دەپ حابارلايدى ۆaq.kz اقپارات اگەنتتىگى.

ٴال-فارابي اۋداندىق سوتى ايەلىن ولتىرگەن كۇدىكتىگە قاتىستى ەكى ايعا قاماۋ تۋرالى سانكسيا جاريالادى. ٴىس ماتەريالدارىنا سۇيەنسەك، 40 جاستاعى ەر ادام ايەلىنىڭ مۇحتار اۋەزوۆ اتىنداعى وقمۋ وقۋ عيماراتىنداعى جۇمىسىنا بارعان. كەيىن ەكەۋى ۇرىسىپ قالىپ، ول ايەلىنىڭ كەۋدەسىنە بەس رەت پىشاق تىعادى.

«ول مۇحتار اۋەزوۆ اتىنداعى ۋنيۆەرسيتەتتىڭ عيماراتىنا كەلەدى. ەرلى-زايىپتى شامامەن ساعات 17.30-داردا جانجالداسادى. جۇمىس ۋاقىتى بولاتىن. سول كەزدە ايەلىنىڭ كەۋدەسىنە بەس رەت اس ٴۇش پىشاعىن تىققان. پىشاقتى ٴوزى الىپ كەلگەن»، - دەدى سۋديا عاني بايارىستان.

سۋديا بەرگەن دەرەكتەرگە سۇيەنسەك، قايتىس بولعان ايەل ۋنيۆەرسيتەت دەكاناتىندا ٴىس جۇرگىزۋشى بولعان. ال كۇيەۋى قىلمىس بولعان كەزدە جۇمىسسىز جۇرگەن.

«كۇدىكتى بۇرىن قالاداعى اۋداندىق پروكۋرورلاردىڭ ٴبىرىنىڭ كومەكشىسى بولعان. اباي اۋداندىق پروكۋراتۋراسىندا جۇمىس ىستەگەن. قازا تاپقان ايەل ۋنيۆەرسيتەت دەكاناتتارىنىڭ بىرىندە ٴىس جۇرگىزۋشى بولعان. ولاردىڭ كامەلەت جاسقا تولماعان بالاسى بار»، - دەدى بايارىستان.

ەر ادامعا قر قك ادام ولتىرۋگە قاتىستى 99-بابىنىڭ 1-بولىگىنە سايكەس ايىپ تاعىلدى. سانكسيا بويىنشا 15 جىلعا دەيىن باس بوستاندىعىنان ايىرىلۋى مۇمكىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي