BAQ.kz - Қазақстан жаңалықтары USD 359 BAQ.kz - Қазақстан жаңалықтары EUR 420.1 BAQ.kz - Қазақстан жаңалықтары RUB 5.41
استانا:

وقو-دا مونشا قىزمەتشىسىنىڭ ۇلدارى كليەنتتى سوققىعا جىعىپ، اقشاسىن ۇرلادى

قىزىلوردا وبلىسىنىڭ تۇرعىنى وقو-داعى مونشالاردىڭ بىرىندە بولعان جانجال بارىسىندا جاراقات العان. ول مونشا قىزمەتشىسىمەن كەلىسپەي قالعان، دەپ حابارلايدى baq.kz اقپارات اگەنتتىگى وقو مەملەكەتتىك ٴتىل جانە اقپارات باسقارماسىنا سىلتەمە جاساپ.

«وتكەن جىلدىڭ قاراشا ايىندا سارىاعاش اۋداندىق پوليسيا بولىمشەسىنە اۋداندىق اۋرۋحاناعا دەنە جاراقاتىمەن تۇسكەن ەر ادام تۋرالى حابارلاما كەلگەن. وقيعا ورنىنا جەتكەن پوليسيا قىزمەتكەرلەرى جابىرلەنۋشىنىڭ 50 جاستاعى قىزىلوردا وبلىسىنىڭ تۇرعىنى ەكەنىن انىقتادى. جابىرلەنۋشى جەرگىلىكتى مونشانىڭ بىرىنە كەلگەن كەزدە مونشا قىزمەتكەرىمەن ۇرىس تۋىنداعان. جانجال بارىسىندا ول بىرنەشە جاراقات العان»، - دەلىنگەن حابارلامادا.

ۆەدومستۆودا مالىمدەگەندەي، مونشا قىزمەتكەرىنىڭ ٴۇش ۇلى ايەلگە كومەككە كەلىپ، كليەنتتى سوققىعا جىققان جانە ونىڭ 170 مىڭ تەڭگەدەن استام قاراجاتىن تارتىپ العان. پوليسيا قىزمەتكەرلەرى 1980، 1982 جانە 1992 جىلى تۋعان كۇدىكتىلەردى ۇستاعان. توناۋ فاكتىسى بويىنشا سوتقا دەيىنگى تەرگەۋ ماتەريالدارى سوتقا جولدانعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي