USD 336.23 EUR 360.3 RUB 5.28
استانا:

ماڭعىستاۋ وبلىسىندا 6 وقۋشى قىز ٴيىس سۋدان ۋلاندى

ماڭعىستاۋ وبلىسىندا ٴيىس سۋ قولدانعان 6 وقۋشى قىز اۋرۋحاناعا ٴتۇستى، - دەپ حابارلايدى tengrinews.kz ٴتىلشىسى.

توتەنشە جاعداي ماڭعىستاۋ وبلىسى شەتپە اۋىلىنىڭ مەڭدالى ۇلى اتىنداعى ورتا مەكتەپتە بولعان. ٴبىلىم باسقارماسى باسشىسىنىڭ ورىنباسارى گۇلميرا مامايەۆانىڭ ايتۋىنشا، 17 قازاندا ساعات 17:30-دا 6 وقۋشى قىز وزدەرىن ناشار سەزىنگەن.

«ولاردىڭ كوزدەرى قىزارىپ، قول اياقتارى دىرىلدەي باستاعان. ولاردىڭ اتا-انالارى ەسكەرتىلىپ، دەرەۋ اۋداندىق اۋرۋحاناعا جەتكىزىلدى. سول جەردە العاشقى كومەك كورسەتىلگەن، ساعات 20.00-دەر شاماسىندا بالالار وزدەرىن جاقسى سەزىنىپ، ارتىنشا ۇيلەرىنە جىبەرىلدى. بالالاردىڭ ايتۋىنشا، قىزدار جاقىن جەردەگى دۇكەننەن شارلى ٴيىس سۋ ساتىپ الىپ، ىشكە الىپ كىرىپ كەزەكپەن سەبە باستاعاندا پايدا بولعان»، - دەدى گۇلميرا مامايەۆا.

ماڭعىستاۋ وبلىستىق دەنساۋلىق ساقتاۋ باسقارماسىندا بۇل مالىمەتتەردى راستاپ وتىر.

«قىزداردى قاراپ بولعاننان سوڭ، ولاردى كەشكە دەيىن دارىگەرلەردىڭ قاراماعىندا بولۋى ٴۇشىن قالدىرعان. الايدا سول كۇنى اق وقۋشىلار ۇيلەرىنە قايتقان. قازىرگى ۋاقىتتا وقۋشى قىزدار وزدەرىن جاقسى سەزىنەدى»، - دەدى ماڭعىستاۋ وبلىسىنىڭ دەنساۋلىق ساقتاۋ باسقارماسىنىڭ باسشىسى مارال قادىر.

وسى ٴىس بويىنشا، اۋداندىق پروكۋراتۋرا تەكسەرۋ شارالارىن باستادى. سونىمەن قاتار بۇل جۇمىسقا قۇقىق قورعاۋ دەپارتامەنتىنىڭ قىزمەتكەرلەرى دە جۇمىلدىرىلعان.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي