BAQ.kz - Қазақстан жаңалықтары USD 366.86 BAQ.kz - Қазақстан жаңалықтары EUR 424.49 BAQ.kz - Қазақстан жаңалықтары RUB 5.6
استانا:

kundelik پورتالىنا حاكەرلىك شابۋىل جاسالدى

kundelik» اقپاراتتىق جۇيەسىنە 2018 جىلدىڭ 4 قىركۇيەگىندە ddos حاكەرلىك شابۋىل جاسالدى. kundelik.kz پورتالىنىڭ ازىرلەۋشىلەرى قازىرگى ۋاقىتتا پورتالعا جانە مەملەكەتتىك ورگاندار ٴۇشىن ەسەپتىك جۇيەگە قولجەتىمدىلىك جىلدامدىعىنىڭ ازايۋى مۇمكىن ەكەندىگىن مالىمدەدى، دەپ حابارلايدى baq.kz اقپارات اگەنتتىگى.

«kundelik» ااج قولدانۋشىلاردىڭ پەرسونالدى مالەمەتتەرىن قورعاۋ ماقساتىندا ۇلتتىق اقپاراتتاندىرۋ وپەراتورى «ۇلتتىق اقپاراتتىق تەحنولوگيالار» اق سەرۆەرلەرىندە ورنالاستىرىلعان جانە «ەلەكتروندى ۇكىمەت» سەرۆيستەرى دەڭگەيىندە قورعالادى. قازىرگى ۋاقىتتا «ۇات» اق تەحنيكالىق ماماندارى مەن تەلەكوممۋنيكاسيالىق وپرەاتورلاردىڭ («كازاحتەلەكوم» اق، «گتس» رمك، «ترانستەلەكوم» اق، «كسەلل» اق جانە ت.ب.) جەتەكشى ماماندارى سىرتتان جاسالعان شابۋىلداردىڭ سالدارىن تولىق جويۋ جانە جۇيەلەرگە قولجەتىمدىلىك جىلدامدىعىن قالپىنا كەلتىرۋ ٴۇشىن kundelik.kz پورتالىن جانە تاعى دا باسقا اقپاراتتىق جۇيەلەردى قورعاۋ بويىنشا ٴىس-شارالار جۇرگىزىپ جاتىر. ياعني، وسى جاعداي «ۇات» اق تاراپىنان شىققان تەحنيكالىق اقاۋلىق بولىپ تابىلمايدى.

ٴقازىر شەتەلدىك ddos شابۋىلدارعا قارسى تۇرۋ بويىنشا بىرىككەن جۇمىستار جاسالىپ جاتىر.

پورتال قولدانۋشىلارىنىڭ بارلىق مالىمەتتەرى – جەكە اقپارات، ۇلگەرىم، ساباققا قاتىسۋ تۋرالى باعالار، بەرىلگەن ٴۇي جۇمىستارى – «ۇات» اق اقپاراتتىق قاۋىپسىزدىگىنىڭ پەريمەترىندە ورنالاسقان جانە وزگەرتىلمەيدى. جۇيەنىڭ تولىق قالپىنا كەلۋى مەن جاعدايدىڭ شەشىلۋى تۋرالى قوسىمشا حابارلاناتىن بولادى.

«kundelik» - بۇل قازاقستاننىڭ جالپى بىلىمدىك مەكتەپتەرىنىڭ ەلەكتروندى كۇندەلىكتەرى مەن جۋرنالدارىنىڭ ۇلتتىق جۇيەسى. جۇيەگە 6 مىڭنان استام مەكتەپ قوسىلعان، 4 ملن. استام قولدانۋشى تىركەلگەن. ەلەكتروندى كۇندەلىكتەردى ەنگىزۋ ارقىلى وقۋ ٴۇردىسىنىڭ تازالىعى جانە وقۋشىلار مەن مۇعالىمدەر اراسىندا اقپاراتپەن الماسۋ قولايلىعى جوعارىلايدى، سونىمەن قاتار ەسەپ تاپسىرۋ ٴۇردىسى جەڭىلدەيدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي