BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

قوستاناي وبلىسىندا جيەنىن ولتىرگەن ادام جازالاندى

فوتو: proufu.ru

تۋىستار اراسىنداعى ۇرىس-كەرىس پىشاق جۇمساۋعا ۇلاسىپ، تۋىستاردىڭ بىرەۋى قايتىس بولدى، دەپ حابارلايدى baq.kz اقپارات اگەنتتىگى alau.kz سايتىنا سىلتەمە جاساپ.

ايىپتالۋشى تۋىسىن ولتىرگىسى كەلمەگەنىن دالەلدەگىسى كەلگەنمەن، سوت ايىپتالۋشى تۋىسىن قاساقانا ٴولتىردى دەگەن شەشىمگە كەلگەن.

وتباسىلىق قايعىلى جاعدايعا ۇلاسقان تۇرمىستىق كەلىسپەۋشىلىك 17 شىلدە كۇنى اۋليەكول اۋدانىندا بولعان.

43 جاستاعى ەر ادامنىڭ ۇيىنە ٴوزىنىڭ موتوسيكلىن ساتىپ العان 20 جاستاعى جيەنى دوس قىزىمەن كەلگەن. سپيرتتىك ىشىمدىك ىشكەننەن كەيىن موتوسيكلگە قاتىستى داۋ تۋىپ، ەكەۋى كەرىسىپ قالعان.

«ەشقانداي توبەلەس بولعان جوق. زارداپ شەگۋشى ايىپتالۋشىنىڭ ۇيىنەن كەتىپ بارا جاتقان، الايدا اعاسى ۇيدەن ەكى پىشاق الىپ شىعىپ، ٴىنىسىنىڭ ارتىنان اڭدىعان. قىلمىستىق جاعاي كورشى ٴۇيدىڭ اۋلاسىندا بولعان»، - دەيدى سوت تورەشىسى.

ايىپتالۋشى بۇرىن دا ەسىرتكىنى زاڭسىز اينالىمعا شىعارعانى ٴۇشىن ٴىستى بولعان. بۇل قىلمىستى جاساعانعا دەيىن كامەلەتتىك جاسقا تولماعان بالالارى بار ايىپتالۋشى ەش جەردە جۇمىس ىستەمەگەن.

سوت ونى جاساعان قىلمىسى ٴۇشىن كىنالى دەپ تانىپ، 9 جىلعا باس بوستاندىعىنان ايىردى. ول قاۋىپتىلىگى اسا جوعارى تۇزەتۋ مەكەمەسىندە جازاسىن وتەيدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي