BAQ.kz - Қазақстан жаңалықтары USD 341.18 BAQ.kz - Қазақстан жаңалықтары EUR 392.97 BAQ.kz - Қазақстан жаңалықтары RUB 5.34
استانا:

قوستاناي وبلىسىندا تۋعان ۇلىن ولتىرگەن انانىڭ سوتى ٴوتىپ جاتىر

قوستاناي وبلىسى ارنايى اۋدانارالىق سوتقا 46 جاستاعى قوستاناي تۇرعىنىنا قاتىستى قىلمىستىق ٴىس كەلىپ ٴتۇستى. ايەل تۋعان ۇلىن ولتىرگەنى ٴۇشىن ايىپتالىپ وتىر، دەپ حابارلايدى baq.kz اقپارات اگەنتتىگى وبلىستىق سوتتىڭ ٴباسپاسوز حابارلاماسىنا سىلتەمە جاساپ.

ٴىس ماتەريالدارىنا سايكەس، 2018 جىلى 1 اقپاندا ايىپتالۋشى كۇيەۋى جانە بالاسىمەن بىرگە جاڭا جىلدى قارسى الدى. ۇشەۋى وتىرىس كەزىندە ىشىمدىك ىشەدى. تاڭەرتەڭگى ساعات 08:00 شاماسىندا ۇلى ايىپتالۋشىدان ىشىمدىك الۋ ٴۇشىن اقشا سۇرايدى. ايەل بەرمەي قويادى. جىگىت اشۋلانىپ، اناسىن بولمەدەگى شكافقا قاراي يتەرىپ جىبەرەدى.

«كيكىلجىڭنىڭ سوڭىندا ايەل قولىنا پىشاق الىپ، ۇلىن قورقىتا باستايدى. كەيىن ۇلىن پىشاقتايدى. ۇلى اناسىنان قورعانۋ ٴۇشىن ونىڭ قولىنا جارماسادى. الايدا ايەل بار كۇشىمەن ۇلىنىڭ كەۋدە تۇسىنا پىشاقتى سۇعىپ الادى. جىگىت وقيعا بولعان جەردە قايتىس بولدى»، - دەلىنگەن وبلىستىق سوت حابارلاماسىندا.

سوتتىڭ باستى وتىرىسى 14 ناۋرىز كۇنى وتەدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي