BAQ.kz - Қазақстан жаңалықтары USD 363.28 BAQ.kz - Қазақстан жаңалықтары EUR 414.25 BAQ.kz - Қазақстан жаңалықтары RUB 5.44
استانا:

قوردايدا قاراقشىلار سوققىعا جىققان زەينەتكەر قايتىس بولدى 

جامبىل وبلىسىنىڭ قورداي اۋىلىندا توناۋشىلاردىڭ قولىنان سوققىعا جىعىلعان 68 جاستاعى زەينەتكەر قايتىس بولدى، دەپ حابارلايدى baq.kz اقپارات اگەنتتىگى.

قورداي اۋداندىق اۋرۋحاناسىنا 20 شىلدە كۇنى توناۋشىلار ۇرىپ-سوققان ەر ادام كەلىپ تۇسەدى. سول كۇنى ساعات 22.00 شاماسىندا اعاش سويىلمەن قارۋلانعان ەكى قاراقشى زەينەتكەردىڭ ۇيىنە كىرگەن. ونى سوققىعا جىعىپ 100 مىڭ تەەڭگەسى مەن 500 ەۋروسىن الىپ كەتكەن.

اۋرۋحاناداعى وكىلدەر ەر ادامنىڭ كەلگەنىن، سودان كەيىن تۋىستارىنىڭ تالابىمەن بىشكەككە اۋىستىرىلعانىن اتاپ ٴوتتى. زەينەتكەر سول جەردە قايتىس بولعان.

ەسكە سالا كەتسەك، جامبىل وبلىستىق ٴىىب 20-29 شىلدە ارالىعىندا قورداي اۋىلىندا تۇرعىنداردىڭ ۇيلەرىنە قاراقشىلىق شابۋىل جاسالعانىن حابارلادى.

توناۋ 20، 21، 29 شىلدەدە بولدى. قاراقشىلىق ارەكەتتىڭ قۇرباندارى نەگىزىنەن ەگدە تارتقان ادامدار.

«قاراقشىلىق شابۋىلدار فاكتىسى بويىنشا قر قىلمىستىق كودەكسىنىڭ 192-بابى 2 تارماعىنا سايكەس سوتقا دەيىنگى تەرگەۋ ٴىسى باستالدى»، - دەپ حابارلادى جامبىل وبلىستىق ٴىىب ٴباسپاسوز قىزمەتى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي