BAQ.kz - Қазақстан жаңалықтары USD 340.27 BAQ.kz - Қазақстан жаңалықтары EUR 396.31 BAQ.kz - Қазақстан жаңалықтары RUB 5.39
استانا:

قىزىلوردادا ەگىز جىگىت جانارماي بەكەتىن توناعان

فوتو: rim3.ru

قىزىلوردا وبلىسىندا جانارماي بەكەتىن توناعان قاراقشىلارعا ۇكىم كەسىلدى، دەپ حابارلايدى baq.kz ايماقتاعى ٴتىلشىسى.

قازالى اۋداندىق سوتى ٴباسپاسوز قىزمەتىنىڭ وكىلى اقىلبەك قازىبەك ۇلىنىڭ ايتۋىنشا، 4 قاڭتاردا قازالى قالاسىنىڭ كىرەبەرىسىندە تۇكتىبايەۆ كوشەسىنىڭ بويىندا ورنالاسقان «تs وڭتۇستىك جانارماي» سەرىكتەستىگىنە تيەسىلى №15 ماي قۇيۋ بەكەتى تونالعان. وسى قىلمىس بويىنشا ٴىس قوزعالىپ، كۇدىكتىلەر قاماۋعا الىنعان بولاتىن.

كەشە قازالى اۋداندىق سوتىندا جانارماي بەكەتىن توناعاندارعا ۇكىم شىعارىلدى. اۋداندىق سوتتىڭ سۋدياسى قۋانىش مىحانوۆتىڭ ايتۋىنشا، قىلمىستى 21-22 جاستاعى جىگىتتەر جاساعان.

«قىلمىستى 1996-1997 جىلدارى تۋعان مۇراتبايەۆ اۋىلىنىڭ 3 تۇرعىنى جاساعان. ونىڭ ىشىندە ەكەۋى ٴبىر وتباسىنىڭ ەگىز بالالارى. ٴىستىڭ ٴمان-جايى بىلاي بولعان: بەتتەرىن مەديسينالىق ماسكامەن تۇمشالاپ العان ەكى جىگىت جانارماي قۇيۋ بەكەتىنىڭ وپەراتورىن اتىن اتاپ شاقىرادى. ەسىكتى اشقان وپەراتوردى جىڭعىل اعاشىنىڭ بۇتاعىمەن ۇرعان، سول كەزدە وپەراتور جانۇشىرا دالاعا قاشا جونەلەدى. ال ٴۇشىنشى قىلمىسكەر ەشكىمنىڭ كەلمەۋىن قاراپ، سىرتتان باقىلاپ تۇرعان. ٴسويتىپ، قىلمىسكەرلەر ماي قۇيۋ بەكەتىنەن 417 000 تەڭگە، 320 ليتر اي-92 ماركالى بەنزين تالوندارىن، ٴبىر دانا ەلەكتر ەسەڭگىرەتكىش قۇرالىن الىپ كەتەدى»، – دەيدى سۋديا قۋانىش تاسماعانبەت ۇلى.

ايتا كەتەيىك، ٴبىر سوتتالۋشى قر قىلمىستىق كودەكسىنىڭ 191-بابىنىڭ 2-بولىگى 3-تارماعىنا سايكەس ٴتورت جىلعا باس بوستاندىعىنان شەكتەلگەن، قالعان ەكەۋى ٴبىر جىلعا سوتتالدى. سوتتالۋشىلار جازاسىن قىلمىستىق-اتقارۋ جۇيەسىنىڭ قاۋىپسىزدىگى بارىنشا تومەن مەكەمەلەرىندە وتەيدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي