BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

قىرعىزستاننان كەلەتىن سۋدىڭ ازايۋىنان تالاس وزەنىندە بالىق قىرىلدى

فوتو: ntv.ru

جامبىل وبلىسىندا تالاس وزەنىنىڭ بالىعى قىرىلىپ جاتىر، سەبەبى كورشى قىرعىز ەلىنەن كەلەتىن سۋدىڭ مولشەرى ازايعان، دەپ حابارلايدى baq.kz اقپارات اگەنتتىگى 24kz سايتىنا سىلتەمە جاساپ.

بۇل جونىندە شۋ-تالاس باسسەيندىك ينسپەكسياسىنا حابار بەرىلگەن. سۋ ۋاقىتىلى قاداعالانباعاندىقتان، تالاس وزەنى تارتىلىپ، وسىنداي ولقىلىق ورىن الدى. اۋداننان 20 شاقىرىم جەردەگى ويىق توعانىندا بالىقتاردىڭ جاپپاي قىرىلعانى الەۋمەتتىك جەلىدە جاريالانعان بولاتىن.

قازىرگى تاڭدا جامبىل وبلىسى جەرگىلىكتى ورمان شارۋاشىلىعى جانە جانۋارلار الەمى ينسپەكسياسىنىڭ ماماندارى 50 مىڭعا جۋىق بالىقتى قۇتقارعانىن ايتادى. ولار ٴتىرى قالعان سۋ جاندىكتەرىن اۋلاپ، وزگە ارنالارعا جىبەرگەن. بۇل جۇمىسقا تالاس اۋدانى اۋماعىنداعى سۋ ايدىندارىن پايدالانۋشىلار دا اتسالىسىپ جاتىر. الايدا ەكى مىڭنان اسا بالىقتى قۇتقارا الماعان.

«شامامەن ەكى، ەكى جارىم مىڭ دانا مايدا شاباقتار بار، ىشىندە ۇلكەن بالىقتار بار سولار قىرىلدى. ٴبىراق ونىڭ بارلىعى جيناقتالىپ، سول اۋداننىڭ جانىنا شۇڭقىر قازىلىپ بارلىعى جويىلدى»، - دەيدى ورمان شارۋاشىلىعى جانە جانۋارلار الەمى ينسپەكسيا باستىعى ورىنباسارىنىڭ مىندەتىن اتقارۋشى بولات اسامبەكوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي