BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

كينولوگتار قىزمەتتىك ٴيتتىڭ كومەگىمەن ەكى كەلىگە جۋىق ەسىرتكى تاركىلەدى

پاۆلودار وبلىسىندا ەسىرتكى اينالىمىنىڭ زاڭسىز جولىن كەسۋ ماقساتىندا «كوكنار-2018» جەدەل-الدىن الۋ شاراسى وتۋدە، دەپ حابارلايدى baq.kz اگەنتتىگىنىڭ ايماقتاعى ٴتىلشىسى.

قر ۇلتتىق ۇلاننىڭ "شىعىس" وڭىرلىك قولباسشىلىعى ٴباسپاسوز قىزمەتىنىڭ حابارالۋىنشا، ەسىرتكى ىزدەۋ جۇمىستارىنا وڭىردەگى 5512 اسكەري ٴبولىمىنىڭ قىزمەتتىك-ىزدەۋ يتتەرى جۇمىلدىرىلعان. شارالار جەرگىلىكتى باقىلاۋ-وتكىزۋ پۋنكتتەرى، اۋەجاي عيماراتتارى جانە ادام كوپ جينالاتىن وزگە ورىنداردا قولعا جۇرگىزىلگەن.

«جەدەل-الدىن الۋ شارالارى بارىسىندا پوليسيا قىزمەتكەرلەرى پاۆلودار وبلىسىنداعى جولاۋشى تاسىمالىمەن اينالىساتىن كولىكتەر تەكسەرىلدى. اسكەري ٴبولىم سەرجانتى يلسۋر حايرۋللين ارەس ەسىمدى قىزمەتتىك يتىمەن بىرگە «ەكىباستۇز-پاۆلودار» باعىتىندا ادام تاسىمالدايتىن اۆتوبۋستاردى تەكسەرىپ شىقتى. ناتيجەسىندە بىرنەشە جولاۋشىنىڭ قالتاسى مەن جۇك سومكەلەرىنەن ەسىرتكى زاتتار تابىلدى»، - دەيدى ۇلتتىق ۇلاننىڭ "شىعىس" وڭىرلىك قولباسشىلىعى ٴباسپاسوز قىزمەتىنىڭ باستىعى باعدات امانگەلدى.

كينولوگيالىق قىزمەتتىڭ ٴتورت اياقتى كومەكشىلەرىنىڭ كومەگىمەن بىرنەشە كۇننىڭ ىشىندە ەكى كەلىگە جۋىق ناشا تاركىلەندى. ساراپتامادان سوڭ زاتتاردىڭ قانداي ەسىرتكى ٴتۇرى ەكەنى انىقتالادى. زاڭسىز ەسىرتكى تاسىمالداعان ازاماتتار ۇستالدى.

ايتا كەتەيىك، سەرجانت يلسۋر حايرۋللين مەن ونىڭ قىزمەتتى ٴيتى جوعارى ناتيجەلەردى كورسەتۋدە. 25 الدىن الۋ شاراسى بارىسىندا ەسىرتكى زاتتار تابىلعان.

ەسكە سالاك ەتسەك، 5512 اسكەري بولىمىندەگى كينولوگيا قىزمەتى 15 جىل بۇرىن قۇرىلعان. بۇگىنگى تاڭدا التى كينولوگ مامانى جانە جەتى قىزمەتتىك يت بار.

فوتو: قر ۇلتتىق ۇلاننىڭ "شىعىس" وڭىرلىك قولباسشىلىعى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي