BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

ٴقازىر ەسىرتكى زاتتارى ىشىندە ٴپسيحوتيپتى زاتتار كوپ تارالۋدا – دارىگەر

الماتى. baq.kz ٴتىلشىسى.2000 جىلداردىڭ باسىندا ەسىرتكىلەردىڭ ىشىندە گەروين وتە كەڭىنەن تارالعان بولسا ٴقازىر ٴپسيحوتيپتى زاتتار كوپ تارالۋدا. بۇل تۋرالى الماتى قالاسى پسيحيكالىق ساۋلىق ورتالىعىنىڭ ديرەكتورى ساپار راحمانشەەۆ بريفينگ بارىسىندا ايتتى.

ونىڭ ايتۋىنشا، بۇل بىرىنشىدەن ارزان، ەكىنشىدەن از مولشەردە قولداناتىن بولسا ونىڭ بەرەتىن اسەرى گەرويننەن دە كۇشتى.

«سپايس، سكورس، gh دەيدى، بۇلاردىڭ قۇرامىندا سينتەتيكالىق امفەتاميندەر بار. امفەتامين بۇل اعزانى ەكى ەسە ارتىعىمەن جۇمىس ىستەتەدى، ياعني، ونى قولدانعان ادامدار شارشاعاندى سەزبەيدى. جالپى ونى قابىلداعان بالانىڭ مىنەز-قۇلقى وزگەرەدى، كوبىندە ويلاۋ قابىلەتىنە تەز اسەر ەتەدى. جاستار اراسىندا بۇنى قولدانعاندا ەشقانداي تاۋەلدىلىك بولمايدى دەگەن تۇسىنىك بار. مانىسىندە ولاي ەمەس، بۇنى ٴبىر قولدانعاننان پسيحيكالىق تاۋەلدىلىك پايدا بولادى. ۇنەمى سونى ويلاپ، ىزدەپ وتىرادى»، - دەيدى س. راحمانشەەۆ.

سونىمەن قاتار ول، ٴقازىر الماتى قالاسى بويىنشا ورتالىقتا ەسىرتكىگە تاۋەلدى 1613 ادام باقىلاۋدا تۇرعانىن، ونىڭ ٴ7-ۋى جاسوسپىرىمدەر ەكەنىن ايتىپ ٴوتتى. وتكەن جىلى 20 ٴجاسوسپىرىم تىركەۋدە بولعان ەكەن.

«ٴقازىر الماتى قالاسى اكىمدىگى مەن ىىد-مەن بىرىگىپ الدىن الۋ جۇمىستارىن جاساپ جاتىرمىز. ٴار اۋدانعا بەكىتىلگەن دارىگەر-ناركولوگتارىمىز بار، ولار ٴقازىر جوو-ى مەن مەكتەپتەردە تەكسەرۋ، ەسىرتكى زاتتارىنىڭ زياندىعى جونىندە دارىستەر، شەبەرلىك ساعاتتارىن وتكىزۋدە. سونىڭ ناتيجەسىندە ٴقازىر ەسىرتكىگە تاۋەلدى ادامداردىڭ سانى 12 پايىزعا ازايدى»، -دەيدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي