BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

قاسىموۆ كومانديرىن اتىپ ولتىرگەن سەرجانت ىسىنە قاتىستى پىكىر ٴبىلدىردى

فوتو: kazakhstanzaman.kz

ىشكى ىستەر ٴمينيسترى قالمۇحانبەت قاسىموۆ بقو-دا سەرجانتتىڭ ٴوز كومانديرىن اتىپ ٴولتىرۋ وقيعاسى تۋرالى پىكىر ٴبىلدىردى، دەپ حابارلايدى baq.kz ٴتىلشىسى.

«ٴيا، كۇزەت قىزمەتىن اتقاراتىن ساپتىق بولىمشەدە مۇنداي جاعداي بولدى. تەرگەۋ ورگاندارى الدىن الۋ قىزمەتى ەمەس. ولار بقو-داعى اكىمدىكتى، سوتتى جانە مەديسينا قويمالارىن كۇزەتەدى. تەرگەۋ جۇمىستارىن جۇرگىزىپ، جاعدايدى زەرتتەپ جاتىرمىز. وسى قىلمىستى جاساعان قىزمەتكەر سول جەردە ەكى جىلداي جۇمىس ىستەگەن. ونىڭ ايتۋىنشا، ەكى رەت تەكسەرۋدەن وتكەن. وعان ەسكەرتۋ جاساعان سوڭ ساپ الدىندا ٴوزىن قورلاندىم دەپ ساناپ، قىلمىسقا بارعان. ساپقا تۇرىپ، قارۋدى الۋ نۇسقاماسىنان كەيىن ول كومانديرگە بىرنەشە وق اتقان»، - دەپ جاۋاپ بەردى قاسىموۆ.

مينيستر جىل باسىنان بەرى ٴدال وسىنداي جاعداي ەكىنشى رەت تىركەلگەنىن اتاپ ٴوتتى.

«مىندەتتى تۇردە سوتتىڭ مەديسينالىق ساراپتاماسىن جۇرگىزەمىز. بارلىعىن جاۋاپكەرشىلىككە تارتامىز. بيىل ٴدال وسىنداي ەكى جاعداي تىركەلدى. قاراعاندىدا جول پوليسياسىنىڭ ينسپەكتورى قاراقشىلىق جاساماق بولىپ، قولىنا تابەلدىك قارۋ الىپ، ادام ٴولتىرىپ، ونىڭ اۆتوكولىگىن الىپ قويعان. وسى ٴىس بويىنشا قىلمىس اشىلىپ، 19 جىلعا باس بوستاندىعىنان ايىرۋ جازاسىنا كەسىلدى. قىزمەتتىك تەرگەۋ جۇمىستارىن جۇرگىزگەن سوڭ 13 قىزمەتكەر جاۋاپكەرشىلىككە تارتىلىپ، ونىڭ ٴ8-ى جۇمىستان بوساتىلدى»، - دەدى ول.

ەسكە سالا كەتسەك، قايعىلى وقيعا بقو-دا 6 قىركۇيەك كۇنى بولدى. پوليسيا سەرجانتى چاپايەۆ اۋىلىندا اقجايىق اۋدانى ىشكى ىستەر ٴبولىمىنىڭ اۋلاسىندا كومانديرىنە وق اتقان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي