BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

قاراعاندىلىق ازاماتقا تۋعان اپكەسىن ٴولتىردى دەگەن كۇدىك تاعىلدى

قاراعاندى وبلىسى ۇلىتاۋ اۋدانى العاباس اۋىلىنىڭ تۇرعىنىنا تۋعان اپكەسىن ٴولتىردى دەگەن كۇدىك تاعىلدى، دەپ حابارلايدى ۆaq.kz اقپارات اگەنتتىگى tengrinews.kz باسىلىمىنا سىلتەمە جاساپ.

قىلمىستىق ٴىس مامانداندىرىلعان اۋداندىق سوتىنا ٴتۇستى. تەرگەۋ دەرەكتەرىنە سۇيەنسەك، قايعىلى وقيعا وسى جىلدىڭ 16 اقپانىندا بولعان. ٴبىراق ٴىستىڭ تولىق دەرەگى ٴقازىر بەلگىلى بولدى.

سوتتا 35 جاستاعى ەر ادام ماس كۇيىندە تۋعان اپكەسىن ولتىرگەنى بەلگىلى بولدى. ٴولىم بولعان كۇنى كۇدىكتى جۇمىستان قايتقاندا 2 بوتەلكە الكوگولدى ىشىمدىك الىپ كەلگەن. اپكەسى ەكەۋىنىڭ اراسىندا جانجال شىعىپ، سول ولىمگە سەبەپ بولادى.

«باۋىرىنىڭ ۇستەل ۇستىندە ىشىمدىك ىشكەنى ۇناماعان سوڭ، اپكەسى نارازىلىعىن بىلدىرە باستايدى. ەكەۋى ۇرىسىپ قالادى. ول اس ٴۇي پىشاعىن الىپ، اپكەسىنە قاراي وقتالادى. اپكەسى جاتىن بولمەگە قاشادى. اعاسى ارتىنان بارىپ، ۇرادى، تەبەدى، گيتارانى لاقتىرادى جانە بىرنەشە جەرىنەن پىشاقتاپ تاستايدى»، - دەلىنگەن ٴىس ماتەريالدارىندا.

قىلمىستان كەيىن كۇدىكتى قاشىپ كەتەدى، ٴبىراق تەز ارادا تۇتقىندالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي