BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

قاراعاندىدا جولاۋشىلار اۆتوبۋسى جولدان شىعىپ كەتىپ، 5 ادام اۋرۋxاناعا جەتكىزىلدى

فوتو: Ашық дереккөз

قاراعاندى، baq.kz ٴتىلشىسى. قاراعاندىدا جولاۋشىلار تاسىمالدايتىن اۆتوبۋستىڭ جۇرگىزۋشىسى تىزگىنگە يە بولا الماي، جولدان شىعىپ كەتكەن. جول-كولىك وقيعاسى بولعان ۋاقىتتا اۆتوبۋستا شامامەن 40 جولاۋشى بولعان. ولاردىڭ بەسەۋى جاراقات الدى.

بۇگىن قاراعاندىنىڭ ورتالىعىندا وقىس وقيعا ورىن الدى. قالا ىشىلىك جولاۋشىلار تاسىمالىمەن اينالىساتىن قوعامدىق كولىكتىڭ 23 جاستاعى جۇرگىزۋشىسى كولىك تىزگىنىنە يە بولا الماي قالعان. ناتيجەسىندە ادامعا لىق تولى اۆتوبۋس جولدان شىعىپ كەتىپ، جول بەلگىسىنە سوعىلعان.

«قوعامدىق كولىك جول كولىك وقيعاسىنا حمك شاعىن اۋدانىنىڭ اۋماعىندا ۇشىراعان. كارلا ماركس كوشەسىنە قاراي باعىت العان اۆتوبۋس جۇرگىزۋشىسى الدىن الا مالىمەتتەر بويىنشا رۋلگە يە بولا الماي قالىپ جولدان شىعىپ ودان كەيىن جاياۋ جۇرگىنشىلەرگە ارنالعان جول بەلگىسىنە سوعىلعان»، - دەيدى قاراعاندى وبلىستىق پوليسيا دەپارتامەنتىنىڭ ٴباسپاسوز xاتشىسى باقىتجان قۇدياروۆ.

جول كولىك وقيعاسى سالدارىنان بەس ادام زارداپ شەككەن. ٴارتۇرلى دەنە جاراقاتىن العان ادامدار ح.ج.ماقاجانوۆ اتىنداعى تراۆماتولوگيا جانە ورتوپەديا ورتالىعىنا جەتكىزىلگەن. وبلىستىق دەنساۋلىق ساقتاۋ باسقارماسىنىڭ مالىمەتىنشە ولاردىڭ جاعدايى قالىپتى.

جۇرگىزۋشىگە قاتىستى اكىمشىلىك xاتتاما تولتىرىلعان. تەرگەۋ امالدارى جۇرگىزىلىپ جاتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي