BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

قاراعاندىدا جات ٴدىني اعىمدى ناسيحاتتاۋشىلاردىڭ سوتى باستالدى

قاراعاندىدا قازاقستاندا تىيىم سالىنعان "تابليعي جاماعات" ٴدىني ۇيىمىنا قاتىسى بار دەلىنگەن ٴۇش ادامنىڭ قىلمىستىق ٴىسى بويىنشا سوت پروسەسى باستالدى، دەپ حابارلايدى baq.kz اقپارات اگەنتتىگى.

بۇل ٴىس بويىنشا قاراعاندى وبلىسىنىڭ تۇرعىندارى - 39 جاستاعى ل. قازىبەك، 37 جاستاعى ك. مارات جانە 36 جاستاعى ن. تاسقالي سوتقا تارتىلعان. تەرگەۋ بولجامىنشا، ولاردىڭ ٴبىرى ٴدىني ۇيىم ٴبولىمىنىڭ "جەتەكشىسى" سانالادى.

ٴۇش ادامعا دا قىلمىستىق كودەكستىڭ 405-بابىنىڭ ٴ1-بولىمى ("قوعامدىق نەمەسە دiني بiرلەستiكتiڭ نە وزگە دە ۇيىمنىڭ ەكسترەميزمدi نەمەسە تەرروريزمدى جۇزەگە اسىرۋىنا بايلانىستى ولاردىڭ قىزمەتiنە سوتتىڭ تىيىم سالۋ نەمەسە تاراتۋ تۋرالى شەشiمiنەن كەيiن ولاردىڭ قىزمەتiن ۇيىمداستىرۋ جانە وعان قاتىسۋ") بويىنشا ايىپ تاعىلعان.

ٴىستى قاراعاندىنىڭ وكتيابر اۋداندىق سوتى قاراپ جاتىر. بۇگىنگى سوتتا پروكۋرور ايىپتاۋ اكتىسىن وقىدى. سۋديا سوتتالۋشىلاردان "تاعىلعان ايىپتى مويىندايسىزدار ما؟" دەپ سۇرادى. سوتتالۋشىلار وعان سەنىمسىز جاۋاپ بەردى.

39 جاستاعى ل.كازىبەك ايىپتى مويىندايتىنىن، قالعان ەكەۋى جارتىلاي مويىندايتىنىن ايتتى. سوتتا سۇرالعان كۋاگەرلەر سوتتالۋشىلاردىڭ "جامانشىلىق ىستەمەگەنىن"، "تەك جۇما نامازىنان سوڭ پاتەردە جينالىپ، شاي ٴىشىپ، اللا تۋرالى اڭگىمەلەسكەنىن" ايتتى.

"تەرگەۋشىلەر مەن ايىپتاۋشىلار قازىبەك، مارات جانە تاسقالي تانىسقان كەزدە "تابليعي جاماعات" ۇيىمىنا تىيىم سالىنباعانىن جانە ولاردىڭ ۇيىم قىزمەتىنە قاتىسقانىن ايتادى. كەيىن ولار "تابليعي جاماعاتقا" قازاقستاندا تىيىم سالىنعانىن "بىلە تۇرا وسى ۇيىم ۇشەلىگىنەن شىقپاعان جانە يدەولوگياسىنان باس تارتپاعان"، قاراعاندى وبلىسىندا "بەدەل جيناپ، جاقتاس تارتقان". بۇعان قوسا ولار وسى ۇيىمنىڭ يدەولوگياسى تۋرالى "دارىستەر تىڭداپ"، قىرعىزستانعا بارعان، بىرەۋى بۆانگلادەشكە بارىپ-قايتقان" - دەپ جازادى ازاتتىق راديوسى.

سوتتالۋشىلاردىڭ ۇشەۋى دە وتباسىلى، ەكى-ۇشتەن بالاسى بار. سوتقا قاتىسىپ وتىرعان تۋىستارى تاعىلعان ايىپتارمەن كەلىسپەيدى. ولار ەگەر تۋىستارىنا تۇرمەگە جابۋ جازاسى كەسىلسە، وتباسىلارى اسىراۋشىسىنان ايىرىلادى دەپ قاۋىپتەنەدى.

قازاقستاندا "تابليعي جاماعات" ۇيىمى 2013 جىلى ەكسترەميستىك دەپ تانىلىپ، قىزمەتىنە تىيىم سالىنعان. بيلىكتىڭ ۇيعارىمىنشا، "تابليعي جاماعات" ورتالىق ازيادا يسلام حاليفاتىن قۇرۋدى كوزدەيدى.

قازاقستاندا 2013 جىلدان بەرى بۇل ۇيىمنىڭ قىزمەتىنە ارالاستى دەگەن ايىپپەن ونداعان ادام سوتتالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي