BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

قاراعاندىدا پارا العان اسكەري كوميسسار 9 ملن تەڭگە ايىپپۇل تولەيتىن بولدى

فوتو: Today.kz

قاراعاندى گارنيزونىنىڭ اسكەري سوتى جەزقازعان قالاسىنىڭ قورعانىس ىستەرى جونىندەگى باسقارماسىنىڭ بۇرىنعى باسشىسىنا قاتىستى ۇكىم شىعاردى. پودپولكوۆنيك رۋسلان شاكيرحانوۆ بارلىق اسكەري اتاقتارىنان ايىرىلىپ، 9 ملن تەڭگە ايىپپۇل تولەيتىن بولدى، دەپ حابارلايدى baq.kz ايماقتاعى ٴتىلشىسى.

قاراعاندى گارنيزونىنىڭ اسكەري سوتىنىڭ اقپاراتى بويىنشا، 2018 جىلدىڭ 8 اقپانى كۇنى جەزقازعان قالاسىنىڭ قورعانىس ىستەرى جونىندەگى باسقارماسىنىڭ باسشىسى رۋسلان شاكيرحانوۆ ٴوزىنىڭ قىزمەت كابينەتىندە پايداكۇنەمدىك نيەتپەن 150 مىڭ تەڭگە كولەمىندە پارا العان. پودپولكوۆنيك ر.شاكيرحانوۆقا پارا اسكەر قاتارىنا شاقىرتۋدان بوساتۋ ٴۇشىن بەرىلگەن. وسىدان كەيىن ول سىبايلاس جەمقورلىققا قارسى قىزمەتتىڭ قىزمەتكەرلەرىمەن ۇستالعان. رۋسلان شاكيرحانوۆقا پارا الدى دەگەن ايىپ تاعىلىپ، قىلمىستىق ٴىس قوزعالعان بولاتىن.

«سوت قازاقستان رەسپۋبليكاسىنىڭ قىلمىستىق كودەكسىنىڭ 366-بابى 2-تارماعىنا سايكەس، رۋسلان شاكيرحانوۆتى كىنالى دەپ تاۋىپ جانە ونىڭ كىناسىن جەڭىلدەتەتىن جاعدايلاردى ەسكەرە وتىرىپ وعان 60 ايلىق كورسەتكىش كولەمىندە، ياعني 9 ميلليون تەڭگە ايىپپۇل تولەۋدى مىندەتتەدى. سونداي-اق، سوت ونى اسكەري اتاقتارىنان ايىردى»، - دەيدى قاراعاندى گارنيزونى اسكەري سوتىنىڭ ٴتوراعاسى ايدار يسابەكوۆ.

قاراعاندى گارنيزونى اسكەري سوتىنىڭ مالىمەتى بويىنشا، سوت ۇكىمىنە قارسى شاعىم تۇسىرىلمەدى جانە ول زاڭدى كۇشىنە ەندى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي