BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

قاراعاندىدا بالاباقشالاردىڭ يەسى 22 الاياقتىق وقيعاعا قاتىسى بار دەپ كۇدىكتەلۋدە

فوتو: sputniknews.kz

بالاباقشا يەسىنە قاتىستى 22 قىلمىستىق ٴىس قوزعالدى، دەپ حابارلايدى baq.kz اقپارات اگەنتتىگى ekaraganda.kz سايتىنا سىلتەمە جاساپ.

زارداپ شەگۋشىلەردىڭ ايتۋىنشا، بالاباقشالاردىڭ يەسى ٴبىر جۇيە بويىنشا ارەكەت ەتكەن: اتا-انالاردان ٴارتۇرلى سەبەپپەن قازىر الىپ، قايتارماي قويعان.

«مەنىڭ بالام «روماشكا» بالاباقشاسىنا باراتىن. ول بالاباقشاعا بارا باستاعان كەزدە بالاباقشا يەسى بىزدەن 900 مىڭ تەڭگە قارىز سۇرادى. بىزدە ونداي مولشەردە قاراجات بولدى، سول سەبەپتى وعان قارىزدى بالامىز بالاباقشاعا التى جاسىنا دەيىن تەگىن بارادى جانە بۇل قارىزدى ول قولحات نەگىزىندە 3 ايدان كەيىن قايتارۋى كەرەك دەگەن شارتپەن بەردىك. ٴۇش اي ٴوتىپ كەتتى. قازىرگى ۋاقىتتا ونىڭ بىرنەشە بالاباقشاسى جابىلىپ قالعانى تۋرالى انىقتالدى. دالىرەك ايتقاندا، ول بالاباقشالار ساتىلىپ كەتكەن، ال ٴوزى بانكروت بولىپ قالدى. وعان بىزدەن بولەك جيىرمادان استام ادام قارىز بەرگەن. ٴبىز بەرگەن قارىز مولشەرى ولاردىكىمەن سالىستىرعاندا تۇك ەمەس. كەيبىر اتا-انالار وعان ەكى جارىم ميلليون تەڭگە قارىز بەرگەن. ٴبىز پوليسياعا شاعىمداندىق»، - دەيدى قارىزىن قايتارا الماي جۇرگەن اتا-انالاردىڭ ٴبىرى.

اتا-انالار ول قىلمىستىق ٴىسىن جاسىرىپ قالا ما دەپ قورقادى. ولاردىڭ ايتۋىنشا، مەكتەپكە دەيىنگى مەكەمەلەردىڭ يەسىندە بۇل ماسەلەنى شەشىپ بەرەتىن تانىستارى دا، قاراجاتى دا بار.

«قازاقستان رەسپۋبليكاسىنىڭ قىلمىستىق كودەكسىنىڭ 190-بابىنا سايكەس «روماشكا» جشس ديرەكتورى جاساعان ٴبىرقاتار الاياقتىق ارەكەتتەر (22) تۋرالى قىلمىستىق ٴىس بويىنشا ماتەريالدار سوتقا دەيىنگى تەرگەۋدىڭ ٴبىرىڭعاي تىزىلىمىندە تىركەلگەن. بۇل ٴىس بويىنشا تەرگەۋ امالدارى جۇرگىزىلىپ جاتىر»، - دەلىنگەن ٴىىد ٴباسپاسوز قىزمەتىندە.

قالالىق ٴبىلىم ٴبولىمى «روماشكا» جشس ديرەكتورىمەن ەشقانداي كەلىسىمشارت جاسالماعانىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي