BAQ.kz - Қазақстан жаңалықтары USD 338.78 BAQ.kz - Қазақстан жаңалықтары EUR 392.82 BAQ.kz - Қазақстан жаңалықтары RUB 5.35
استانا:

قاراعاندىدا 43 جاستاعى ايەل قاريانى پىشاقتاپ ولتىرگەن

فوتو: ашық дереккөзден

قاراعاندىدا كەشە جان تۇرشىگەرلىك قىلمىستىق وقيعا ورىن الدى. 79 جاستاعى زەينەتكەر بىرنەشە جەرىنەن پىشاق سالىنىپ، ول العان جاراقاتىنىڭ اسەرىنەن قازا تاپقان. زەينەتكەردى ٴولتىردى دەگەن كۇدىكپەن 43 جاستاعى قالا تۇرعىنى ۇستالدى، دەپ xابارلايدى baq.kz ايماقتاعى ٴتىلشىسى.

10 ماۋسىم كۇنى قالاداعى پاتەرلەردىڭ بارىندە دەنەسىندە پىشاق جاراقاتى بار 79 جاستاعى قاريانىڭ دەنەسى تابىلدى. قاراعاندى قالاسىنىڭ قۇقىق قورعاۋ ورگاندارىنىڭ قىزمەتكەرلەرى اسا اۋىر قىلمىس جاساعان ايەل ادامدى قۇرىقتادى. الدىن الا مالىمەتتەر بويىنشا، ول قىلمىس جاساعان ۋاقىتتا ماس كۇيدە بولعان.

«اعىمداعى جىلدىڭ 10 ماۋسىمى كۇنى بىرنەشە جەرىنەن پىشاقتالعان 1939 جىلعى ايەلدىڭ ٴمايىتى تابىلدى. اتالعان فاكتى بويىنشا قاراعاندى وبلىسىنىڭ ىشكى ىستەر ورگاندارىنىڭ بارلىق جەكە قۇرامى باعىتتاما الدى. پوليسيا قىزمەتكەرلەرىنىڭ جەدەل ىزدەستىرۋ شارالارىنىڭ ناتيجەسىندە 1975 جىلى تۋىلعان قالا تۇرعىنى ۇستالدى. ول قازا بولعان ايەلدىڭ ۇيىندە ماس كۇيدە بولىپ، پاتەر يەسىنە پىشاق جاراقاتىن سالعانىن مويىندادى»، - دەيدى قاراعاندى وبلىسى ىشكى ىستەر دەپارتامەنتىنىڭ ٴباسپاسوز xاتشىسى باقىتجان قۇدياروۆ.

اتالعان قىلمىستىق وقيعا بويىنشا قازاقستان رەسپۋبليكاسىنىڭ قىلمىستىق كودەكسىنىڭ 99 بابى، 2 تارماعىنا ساي، ياعني «كىسى ٴولتىرۋ» بابى بويىنشا سوتقا دەيىنگى تەرگەۋ امالدارى باستالدى. وبلىستىق ٴىىد-نىڭ ٴباسپاسوز xاتشىسى ب.قۇدياروۆتىڭ ايتۋىنشا قازىرگى ۋاقىتتا كۇدىكتى تەرگەۋ يزولياتورىنا قامالعان. تەرگەۋ جۇرگىزىلىپ جاتىر.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي