BAQ.kz - Қазақстан жаңалықтары USD 369.35 BAQ.kz - Қазақстан жаңалықтары EUR 421.47 BAQ.kz - Қазақстан жаңалықтары RUB 5.57
استانا:

قازاقستاندا اتىس: 5 جىگىت پەن بيزنەسمەن اۋرۋحاناعا ٴتۇستى

قازاقستان پوليسەيلەرى 10 جانە 12 مامىر كۇندەرى بولعان اتىسقا قاتىستى تىڭ دەرەكتەردى ٴبولىستى، دەپ حابارلايدى baq.kz اقپارات اگەنتتىگى tengrinews.kz سايتىنا سىلتەمە جاساپ.

الماتى وبلىسى ٴىىد ٴباسپاسوز قىزمەتىنىڭ حابارلاۋىنشا، 12 مامىر كۇنى رايىمبەك اۋدانىنداعى ورتالىق اۋرۋحاناعا جەرگىلىكتى كاسىپكەر كەلىپ ٴتۇستى. پوليسيانىڭ انىقتاۋىنشا، كاسىپكەرگە بەلگىسىز بىرەۋ ەكى جەرىنەن وق اتقان. وقىس وقيعا قاقپاق اۋىلىندا بولعان. اتىلعان وقتىڭ بىرەۋى كاسىپكەرگە تيگەن.

«جابىرلەنۋشىگە وق اتقان ازامات اراعا بىرنەشە ساعات سالىپ ۇستالدى. ول بۇرىننان بەرى جانجالداسىپ جۇرگەن كاسىپكەردىڭ اۋىلداسى بولىپ شىقتى. وق اتىلعان اڭ اۋلاۋعا ارنالعان مىلتىق تاركىلەندى»، - دەلىنگەن ٴباسپاسوز حابارلاماسىندا.

ٴدال ٴقازىر اتالعان فاكتىگە سايكەس، سوتقا دەيىنگى تەرگەۋ جۇمىستارى باستالدى. كۇدىكتى تەمىر تورعا قامالدى. قاراعاندى وبلىسى ٴىىد مالىمەتىنشە، تەمىرتاۋ اۋرۋحاناسىنا ٴتورتىنشى كۆارتالداعى ٴبىر ۇيدەن 18-25 جاس ارالىعىنداعى بەس ازامات كەلىپ تۇسكەن. ولاردى ولتىرمەك بولدى دەگەن كۇدىكپەن 20 جاستاعى قالا تۇرعىنى ۇستالدى.

«شارا بارىسىندا كيكىلجىڭ كەزىندە وق اتىپ جىبەرگەنىن مويىنداعان 20 جاستاعى جىگىت ۇستالدى. قازىرگى ساتتە 20 جاستاعى كۇدىكتى قاماۋعا الىندى. اتالعان فاكتىگە قاتىستى قر قك 24-99-بابتارى 2-تاراۋى «كىسى ولتىرۋگە وقتالۋ» بويىنشا قىلمىستىق ٴىس قوزعالدى»، - دەلىنگەن حابارلامادا.

ەستەرىڭىزگە سالا كەتسەك، ەسىك قالاسىندا اتىس بولىپ، سالدارىنان پوليسەيدىڭ قازا تاپقانى تۋرالى حابارلاعان ەدىك.

كەيبىر مالىمەت بويىنشا، جاراقات العانداردىڭ بىرەۋى - ٴىىاب قىزمەتكەرى. جەرگىلىكتى تۇرعىنداردىڭ ايتۋىنشا، وقيعا مامىردىڭ 7-سىنەن 8-نە قاراعان ٴتۇنى بولعان. ەڭبەكشىقازاق اۋداندىق اۋرۋحاناسىنداعىلار 8 مامىر كۇنى تاڭعى ساعات 03:00 كەزىندە وق جاراقاتىمەن ەكى ەر ادامنىڭ كەلىپ تۇسكەنىن راستادى. ولاردىڭ بىرەۋى – 31 جاستاعى پوليسيا قىزمەتكەرى. ول 11 مامىر كۇنى قازا تاپتى. وق تييۋدەن بولەك كوپتەگەن جاراقات العان.

ەكىنشى ەر ادامنىڭ جاعدايى تۇراقتى. ول ٴبىراز ۋاقىتقا دەيىن اۋرۋحانادا جاتىپ ەمدەلەدى. وق تييۋدەن بولەك، اياعى سىنعان. اۋرۋحانا قىزمەتكەرلەرىنىڭ حابارلاۋىنشا، ول 1986 جىلى دۇنيەگە كەلگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي